Halyqaralyq konferensıada shaǵyn jınaqtalǵan mektepterdiń oqý tárbıe úrdisin jetildirý, damytý, muǵalimderdiń pedagogıkalyq sheberlikterin shyńdaý, biliktilikterin arttyrý, olardy qaıta daıarlaý máseleleri, materıaldyq-tehnıkalyq jaǵdaıyn jaqsartý, shaǵyn mektepterge oqýlyqtar daıyndaý isteri boıynsha otandyq ǵalymdardyń, mektep basshylarynyń, mektep muǵalimderiniń oı-pikirleri qarastyrylyp, shaǵyn jınaqtalǵan mektepterdiń búgingi jaı-kúıi, damý úrdisi talqylandy.
«Qazaq mektebiniń damý máseleleri» zerthanasynyń kóterip otyrǵan sharalarynyń basty maqsaty – qazirgi kezeńdegi ǵylym men ınovasıa máselelerin teorıalyq jáne praktıkalyq turǵyda taldaý, shaǵyn jınaqtalǵan mekteptiń oqý tárbıe úderisiniń ózindik erekshelikterin, muǵalim sheberligi men biliktiligin arttyrýdyń joldaryn jáne bilim berý mazmunynyń ıntegratıvtik jáne dıfferensıaldyq sıpatyn ashý bolyp tabylady.
Sharaǵa qatysqan ǵalymdar men mektep basshylary konferensıa jumysyna joǵary baǵa berip, qazirgi tańda kókeıkesti máselelerdi kóterip otyrǵan Qazaq memlekettik qyzdar ýnıversıtetiniń ujymyna alǵys bildirdi.
Qazaq memlekettik qyzdar ýnıversıtetiniń atynan konferensıaǵa atsalysqan oblystyq bilim basqarmalarynyń basshylaryna alǵys bildiremiz. Qazaqstannyń barsha muǵalimderimen ózara yntymaqtasyp, bolashaqta ultjandy, aqyldy, parasatty urpaq tárbıeleýge súbeli úles qosatyn bolady.
B.S.Qylyshpaı, «Qazaq mektebiniń damý máseleleri» zerthanasynyń meńgerýshisi
