Semeıde muǵalim oqýshy qyzdardy sıpalap, tıisip júrgen. Balalardyń quqyǵyn qorǵaý komıteti jaǵdaıǵa pikir bildirdi, - dep habarlaıdy Dalanews.kz.

"NeMolchı.kz" jarıalaǵan vıdeodan oqıǵa mekteptegi kabınetterdiń birinde bolǵany kórinedi. Kadrlardan er adam partaǵa súıenip turyp, bir qolymen telefon ustap, ekranǵa qarap turǵany, al ekinshi qolymen oqýshy qyzdyń beti men moınyn ustaıtyny kórinedi. Vıdeoda qyzdyń beti jasyrylǵan.

Oqý-aǵartý mınıstrliginiń Balalardyń quqyǵyn qorǵaý komıteti málimetinshe, vıdeo 2023 jyly túsirilgen. Qazir oqýshy 9-synypta oqýyn jalǵastyryp jatyr.

"Balalardyń quqyǵyn qorǵaý komıteti shuǵyl túrde tekseris júrgizdi. Balaǵa qatysty orynsyz áreketke jol bergen pedagog qazir bilim berý salasynda jumys istemeıdi. Sondaı-aq, komıtet pedagogtiń is-áreketine quqyqtyq baǵa berý úshin quqyq qorǵaý organdaryna júgindi. Bul másele komıtettiń turaqty baqylaýynda", - dep jazylǵan habarlamada.