Saýd Arabiiasy koroldigi jasyl energiiaǵa mán bermek
Aýyl sharýashylyǵy vitse-ministri Saýd Arabiiasy delegatsiiasyn ulttyq kúnimen quttyqtap, EKSPO-2017 mamandandyrylǵan kórmesine qoldaý tanytyp, belsendi qatysqandary úshin Qazaqstan Úkimeti atynan alǵys bildirdi.
«Saýd Arabiiasy koroldiginiń pavilonynda usynylǵan tehnologiialar halyqaralyq kórmeniń taqyrybyn aishyqtai túsedi. Geografiialyq ornalasýy men klimattyq jaǵdaiynyń arqasynda Saýd Arabiiasynyń kún, sý jáne jel energiiasyn damytýǵa óte qolaily. Bul el qazirdiń ózinde jasyl energiiaǵa basa nazar aýdaryp otyr», – dep atap ótti vitse-ministr. Sondai-aq, ol Qazaqstan men Saýd Arabiiasy koroldiginiń arasyndaǵy qarym-qatynastar budan ary jiilei túserine senim tanytty. Koroldikpen jan-jaqty jáne ózara múddeli yntymaqtastyqty keńeitý Qazaqstan syrtqy saiasatynyń negizi bolyp qala beredi.
Abdalla ibn Abdýl-Áziz ál Saýd atyndaǵy jańartylatyn jáne atomdyq energiia ǵylymi qalashyǵynyń Prezidenti Doktor Hashim Iamani álem elderi bolashaq úshin energiiany saqtaý, jańa tehnologiialardy paidalaný jáne olardy tiimdi qoldaný ádisterin engizý boiynsha birlesip jumys atqarý qajettigin atap ótti.
Saýd Arabiiasy koroldigi elektr energiia óndirisin kóterý jáne munaidy qoldaný deńgeiin tómendetý maqsatynda kún men jel energiiasy salalarynda 30 jobany qolǵa alypty. Olardyń jospary boiynsha, 2040 jylǵa qarai memleket elektr energiia óndirisi úshin otyn qazbasynyń qoldanysynan bas tartýdy kózdep otyr. Saýd Arabiia pavilony eldiń álemdegi energetikalyq tepe-teńdiginiń sapaly jáne qaýipsiz túrlenýiniń múmkindigi týraly syr shertedi. Pavilonnyń basty taqyryby «Turaqty energiia koroldigi, bolashaqtaǵy ózgeris» dep atalady. Ondaǵy ekspozitsiialar kórmege kelýshilerdi memlekettiń mádenieti, salt-dástúri jáne tarihymen tanystyrady. Týrister kórmeden jańa tehnologiiamen qatar, eldiń tarihymen de tanysa alady.
