Osy rette Túrkistanda ulttyq dástúrdi ulyqtaǵan «Aq bata» baiqaýy ótkizilip, jeńimpazdar marapattaldy.
«Ontustik» telearnasy men Oblystyq mádeniet jáne halyq shyǵarmashylyǵy ortalyǵy birlesken telejobasynyń maqsaty- Elbasynyń «Bolashaqqa baǵdar: rýhani jańǵyrý» maqalasy aiasynda Elordamyz-Astana qalasynyń 20 jyldyǵyna orai halqymyzdyń rýhani-tarihi tamyrlarynyń keń aiasynan ádet-ǵuryp pen salt-dástúrimizdiń negizi sanalatyn bata berý dástúrin nasihattaý.
Oblys aýmaǵyndaǵy batagói daryn ielerin telearna arqyly pash etip, has talanttardyń shyńdalýyna jol ashý bolatyn.
Aita ketelik osynaý aýqymdy telejoba qatysýshylardyń jas erekshelikterine bailanysty 7-men 70 jas aralyǵyndaǵy úmitkerler arasynda 3 topta ótkizildi. Batagóiler saiysyna oblysymyzdyń barlyq aýdandarynan 45 úmitker tirkeldi.
3 kezeńnen turatyn saiystyń shartyna sáikes «Aq bata» atalymy boiynsha Shardaralyq Ábdiǵappar Aidarov, «Zerdeli bata» atalymy boiynsha Túrkistan qalasynan Sailaýhan Jolanov jeńimpaz atandy. «Bala bata» atalymy boiynsha Qazyǵurt aýdanyna kelgen Nurlybaqyt Qaharuly birinshi oryndy iemdendi.
