Memleket basshysy qandastarymyzdyń Atajurtyna oralýyna Tuńǵysh Prezidenttiń tusynda birqatar mańyzdy tarihi sheshim qabyldanǵanyn tilge tiek etti. Onyń pikirinshe Elbasynyń qiyrdaǵy qazaqtarǵa arnalǵan Joldaýynan keiin osy baǵytta irgeli ister qolǵa alynǵan.
"Uly kósh 1991 jyly bastaldy. Buǵan Elbasynyń tapsyrmasymen Qazaq KSR Ministrler Kabineti qabyldaǵan №711 Qaýly resmi túrde jol ashty. Bul qujat 1991 jylǵy 18 qarashada qabyldandy.
Kóp uzamai Elbasy «Alysta júrgen aǵaiynǵa aq tilek» atty Joldaýyn jariialap, shettegi qandastarymyzdy elge shaqyrdy.
Sonyń nátijesinde bir jarym millionnan astam qazaq Otanyna oraldy. Búginde olar egemen elimizdi órkendetýge óz úlesin qosýda.
Solardyń ishinde Aýyt Muqibek jáne taǵy basqa qoǵam qairatkerleri uly kóshtiń tarihi rólin eskerip, arnaiy kún belgileý qajettigin aityp júr. Úkimetke osy tarihi datany ataýly kúnder tizbesine qosý máselesin jan-jaqty qarastyryp, tiisti usynys engizýdi tapsyramyn", – dedi ol.
Prezident budan bólek qoǵamda jii aitylyp júrgen – shekaralas aimaqtardy damytý máselesine de toqtaldy. Buǵan deiin atalǵan taqyrypty Ulttyq Keńes múshesi, Májilis depýtaty Erlan Sairov kótergen bolatyn.
"Sońǵy kezde shekara boiyndaǵy eldi mekenderde halyq sany azaiyp bara jatqany jasyryn emes. Munyń ózindik sebepteri bar. Biraq, shekara mańyn bos qaldyrýǵa bolmaidy.
Bul – ulttyq qaýipsizdikke tikelei qatysy bar másele. Ony júieli túrde sheshý qajet.
Qomaqty qarajat kerek bolady. Úkimetke muny jan-jaqty qarastyryp, shekaralas aimaqtardy damytý jóninde usynys engizýdi tapsyramyn", – dedi Memleket basshysy.
Aita ketelik, buǵan deiin Ýkraina prezidenti Vladimir Zelenskii Reseimen shekarada 100 myń orys áskeri turǵanyn málimdegen.
“Amerika úni” radiosynyń habarlaýynsha, orys áskeriniń Ýkrainaǵa qarai jyljýy Kiev men Batys elderiniń alańdaýshylyǵyn týǵyzyp otyr.
Olar Ýkrainaǵa basyp kirý qaýipi bar dep boljaidy.
Máskeý bolsa bul boljamdy arandatýshylyq dep baǵalap, aimaqta NATO áskeriniń kóbeigenine qarsy daiyndyq dep málimdedi.
3 qarashada Ýkrainanyń qorǵanys ministrligi shekarada shamamen 90 myń orys áskeri bar dep habarlaǵan.
