Sharaǵa QR Ishki ister ministri Erlan Turǵymbaev pen QR Aqparat jáne qoǵamdyq damý ministri Dáýren Abaev qatysty.
Jiynda birinshi bolyp sóz alǵan QR Ishki ister ministri Erlan Turǵymbaev 7 aqpanda Qordai aýdanyna qarasty Masanshi aýylynda tóbeles oryn alyp, jergilikti politsiia bólimshesine habar túskenin rastady.
– Alǵashynda tóbeleske 70-tei adam qatysqan. Al Masanshi aýylynyń ainalasyndaǵy aýyldardan oqiǵa ornyna taǵy da 300-dei adam jinalǵan. Olar da tóbeleske qatysyp, jappai tóbelestiń nátijesinde 8 adam qaitys boldy. Jaraqat alǵan adamdardyń sany 40-qa jetti.
Tóbeles kezinde qarý qoldanylǵany málim boldy. Oqiǵany turaqtandyrý úshin qosymsha kúshter tartyldy. Qazirgi tańda jedel top qurylyp, oqiǵa ornynda Bas prokýror men Ishki ister ministriniń orynbasary jumys istep jatyr, – dedi Ishki ister ministri.
Onyń sózinshe arandatýshylar bolǵan jaǵdaidy telefonǵa túsirip, ony áleýmettik jeliler arqyly taratqan ári azamattardy zańsyz áreketke barýǵa úndegen.
Ministr búginde jedel tergeý toby qurylyp, adam ólimi jáne buzaqylyq faktileri boiynsha tergeý jumystarynyń bastalǵanyn málim etti.
