Uiym belsendileri sheiit ketken bozdaqtarǵa quran baǵyshtady. Sonymen birge Qazaqstan territoriiasyna kóz alartqan reseilik saiasatkerlerdiń málimdemesine qatysty pikir bildirdi.
«Jirinovskii, Nikonov, Limonov syndy darynsyz saiasatkerler búlik shyǵarǵysy kelip, ózderiniń saýatsyzdyǵyn kórsetti. Qazaqtyń namysyna tiip saiqymazaq boldy. Olar kitap betin ashyp, az da bolsa tarihqa úńilse kimniń kim ekenin biletin edi. Qazaqtyń namysty jastary barda olardyń kózdegeni bola qoimaidy», – dedi qozǵalys basshysy Azamat Joldanbai.
Osy rette Qazaqstan Respýblikasynyń Prezidenti Qasym-Jomart Kemeluly Toqaevqa ún qatqan uiym belsendileri bilikke shart qoidy. Olardyń atap ótkenindei reseilik saiasatkersymaqtardyń saýatsyz málimdemesin jaýapsyz qaldyrýǵa bolmaidy.
Jastar "Resei imperiiasynan qalǵan Pavlodar, Petropavl degen ataýlar joiylyp, qalalarǵa qazaqi ataý berilýin" talap etti.
"Olar tarihty zerttep, oqyp, oi túigeni abzal. Tarih betterine úńilsek Resei túgili, shekaralas elderde qazaqtar, iaǵni, bizdiń ata-babalarymyz ómir súrgen, Qazaqi ataý arqalaityn qalalar kóp. Bul aqiqat!
Osy rette Qazaqstan Respýblikasynyń Prezidenti Qasym-Jomart Kemeluly Toqaevqa úndeý. Osyndai saiqymazaq saiasatkerlerdiń tirlikterine qashanǵy beijai otyra beresizder? Sózben emes, qaǵazben emes, ISPEN dáleldeitin kez keldi ǵoi.
Resei imperiiasynan qalǵan Pavlodar, Petropavl degen ataýlar joiylsyn, qalalarǵa qazaqi ataý berilsin! Soltústik aimaqtarda Qazaq tili ústemdik jasasyn!
Qazaqtar QYZYLJAR jáne ERTIS degen ataýdy paidalanǵan. Sol ataýlar qaitarylsyn", – dedi «Namys» jastar qozǵalysynyń belsendileri.
Jastar bul talap oryndalmasa Soltústik Qazaqstanǵa baryp miting ótkizetinderin aitty.
https://youtu.be/xDjaJa2tcGQ
