Qytaida júrgen Nazarbaev senbi kúni Ózbekstanǵa attanatyn boldy
Bul týraly «Reiter» aqparat agenttigine Qazaqstan úkimetindegi derekkóz málim etti dep habarlandy.
Qazirgi kezde Qazaqstan prezidenti 4-5 qyrkúiekte ótýi tiis G-20 samittine qatysý úshin Qytaidyń Hanchjoý qalasynda jumys saparymen júr. Memleket basshysy senbi kúni kenetten Ózbekstanǵa attanyp, jumys saparyn ortasynan úzbekshi.
Mańyzdy oqiǵany ortadan úzýge Elbasy úshin salmaqty sebep bar bolar…
Esterińizde bolsa, Ózbekstannyń ministrler kabineti 28-tamyzda 78 jastaǵy Islam Kárimov aýrýhanada jatyr dep málim etken. Óz kezeginde Ózbekstan prezidentiniń qyzy Lola Karimova-Tilliaeva Instagram-daǵy jeke paraqshasynda ákesiniń miyna qan ketip, aýrýhananyń jan saqtaý bóliminde jatqanyn jazdy. Al búgin taǵy da Ózbekstan úkimeti aýrýhanadaǵy prezidentiniń jaǵdaiy múshkil ekenin habarlady.
DEREKKÓZ: kaz.365info.kz
