QazUPÝ-de Prezidentiniń Joldaýy talqylandy
Talqylaýǵa joǵary oqý ornynyń prorektorlary, bólim basshylary, professor-oqytýshylar quramy men stýdentteri qatysty.
Kezdesýdi birinshi prorektor Maqtaǵali Bektemesov ashyp, Prezident Nursultan Nazarbaevtyń Qazaqstan halqyna Joldaýynyń negizgi erejelerin atap ótti. Qatysýshylardyń nazaryn Joldaýdaǵy jastarmen tikelei bailanysty bastamalarǵa aýdardy: «Elbasy Joldaýynda pedagogikalyq salada basym mindet retinde sheshiletin kóptegen máseleler bar ekenin erekshe atap ótti. Memleket basshysynyń aǵymdaǵy Joldaýy jas urpaq úshin keremet múmkindikter týdyrady. Bul sondai-aq laiyqty bilim alý jáne turǵyn úi máselesin sheshý úshin baǵyttalǵan. Jastar - bizdiń bolashaǵymyz. Prezident bul týraly árdaiym jastardyń máselelerine nazar aýdaryp, jastardy ózin-ózi damytýǵa, alǵa basýǵa talpyndyrýda.
Qazaqstandaǵy jastarǵa kórsetilgen múmkindikter memleket tarapynan qoldaýǵa ie. Jastar úshin kóptegen baǵdarlamalar iske asyrylyp, jyl saiyn myńdaǵan jas mamandar, joǵary oqý oryndarynyń bitirýshileri ómirdi tabysty bastaý úshin jańa múmkindikterge ie bolýda. Bizdiń ýniversitette Prezidenttiń Joldaýy aiasynda rektor Takir Balyqbaevtyń bastamasy boiynsha ýniversitettiń jas túlekterine qoldaý kórsetý, jumysqa ornalasý jáne mansaptyq ósý úshin Jobalyq keńse quryldy».
QR Parlamenti Májilisiniń depýtaty Qýanysh Sultanov jinalys qatysýshylaryn elimizdiń tuńǵysh ýniversiteti – Abai atyndaǵy Qazaq ulttyq pedagogikalyq ýniversitetiniń 90 jyldyq mereitoiymen quttyqtap, pedagogikalyq ǵylym salasyndaǵy eleýli jetistikterin jáne respýblika úshin daiarlanatyn kásibi pedagogtardyń qyzmetindegi erekshelikterin atap ótti. Pedagogtardy daiarlaýda Memleket basshysynyń «Pedagog mártebesi týraly» zańynyń rólin, «Bilim berý mekemelerinde oqytý sapasyna qoiylatyn talaptardy kúsheitý», «Ómir súrýge jaily orta qalyptastyrý» jahandyq mindetterineqatysty bastamalaryna nazar aýdarmaý múmkin emestigin aitty. El Prezidentiniń kelesi jyly «Pedagog mártebesi týraly» zańdy ázirlep, qabyldaý qajet ekendigi týraly aitylǵan bastamasy muǵalimder úshin úlken serpilis. Eń mańyzdysy qazirgi jaǵdaida oqytý sapasyna qoiylatyn talaptardyń artýy. Ýniversitettiń tabystylyǵyn baǵalaýdyń negizgi kriteriileri joǵary bilikti mamandardy daiarlaý bolyp tabylady...».
Kezdesýde quqyqtaný kafedrasynyń meńgerýshisi Ermek Bóribaev, Jobalyq keńse basshysy Maqsat Jaqaý, Sorbonna-Qazaqstan institýtynyń 1 kýrs stýdenti Aleksandr Permiakov sóz sóiledi.
Talqylaýǵa qatysýshylardyń tarapynan depýtatqa suraqtar qoiylyp, olar boiynsha egjei-tegjeili jaýaptar alyndy. Sonymen qatar, Elbasynyń Joldaýynyń mindetterin sapaly iske asyrýdyń túrli aspektileri, sondai-aq ómir súrý sapasyn arttyrý, ýniversitet muǵalimderiniń jalaqysyn kóterý, jastardy jumysqa ornalastyrý, keń aýqymdy «7-20-25» baǵdarlama týralyjáne t.b. máseleler talqylandy.
Is-shara sońynda birinshi prorektor Maqtaǵali Bektemesov Qýanysh Sultanovty ýniversitettiń 90 jyldyǵyna arnalǵan medalimen marapattap, ýniversitettiń qalyptasýy men damýyna aitarlyqtai úles qosqan ýniversitettiń tarihymen jáne tarihi tulǵalaryna arnalǵan kitaptaryn tabys etti.
Rimma Janbaeva
