Úkimet kazinolar men oiyn avtomattary zaldary jumys isteitin aýmaqtardyń tizimin bekitti. Jańa nysandar Almaty, Mańǵystaý, Jetisý, Shyǵys Qazaqstan, Batys Qazaqstan jáne Abai oblystarynda ornalasady, dep habarlaidy dalanews.kz.
Atap aitqanda, oiyn biznesin damytýǵa Kaspii teńiziniń jaǵalaýy, Alakól mańy jáne Marqakól aýdany qarastyrylǵan.
Jańa erejege sáikes, mundai oiyn oryndaryna tek shetel azamattary men azamattyǵy joq adamdar kire alady. Al Qazaqstan azamattaryna kazino aýmaǵyna tek eńbek nemese qyzmettik mindetterin oryndaý maqsatynda ǵana kirýge ruqsat beriledi.
Tiisti qaýly biylǵy 11 qyrkúiekten bastap kúshine enedi.
