Qazaqstandyqtardyń jeke deregi tarap ketse, eGov-tan habarlama keledi. Bul týraly Tsifrlyq damý, innovatsiialar jáne aeroǵarysh ónerkásibi ministrligi málimdedi, - dep habarlaidy Dalanews.kz.
"Alǵashqy taldaý jumystary bul derekter memlekettik emes, jekemenshik júielerden alynýy múmkin ekenin kórsetip otyr. Memlekettik júielerden jeke derekter taraǵan joq, hakerlik shabýyldar saldarynan aqaý da tirkelgen joq", - dedi ministrlik ókilderi.
Vedomstvo málimetinshe, tekseris tolyq aiaqtalǵanǵa deiin qandai da bir qorytyndy jasaýǵa erte.
"Azamattyń jeke derekteri tarap ketken málimetter arasynda bolsa, bul týraly elektron úkimet portaly (eGov) arqyly jeke kabinetine habarlama joldanady", - dep jazylǵan málimette.
Aita keteiik, 16 millionnan asa jazba tarap ketken. Bul kórsetkish el halqynyń basym bóligin qamtidy. Tarap ketken derekterde turǵyndardyń tegi, aty, ákesiniń aty, jynysy, týǵan kúni, JSN, meken jaiy, telefon nómirleri (uialy, úi jáne jumys telefondary), azamattyǵy, ulty jáne basqa málimetter kezdesedi.
