Elimizdegi alkogoldi jáne alkogolsiz sýsyndardy eń iri eksporttaýshysy snalatyn Global Beverages kompaniiasy Shanhaida ótken Shanghai International Food & Drinks Fair 2023 (SFDF) kórmesinde qytailyq kompaniialarmen jalpy somasy 150 million dollardy quraityn aldyn ala kelisimge qol qoidy, – dep habarlaidy Dalanews.kz.
Global Beverages kompaniiasynyń Qytai naryǵyna shyǵý – Qazaqstan Prezidenti Qasym-Jomart Toqaev pen Qytai Halyq Respýblikasynyń Tóraǵasy Si Tszinpinniń 2023 jylǵy mamyrda Shansi provintsiiasyndaǵy Sian qalasynda ótken «Qytai – Ortalyq Aziia» sammitindegi tarihi kezdesýinen keiin múmkin bolǵanyn aita ketýimiz kerek. Sapar barysynda dostyq pen tatýlyqty tý etken eki el jańa múmkindikter men ózara saýda-ekonomikalyq bailanystardy damytýǵa jol ashqan birqatar memleketaralyq kelisimderge qol qoiylǵan bolatyn.
Tarihi kelissózderdiń arqasynda qazaqstandyq ónimderdi dúniejúzindegi eń iri tutyný naryǵynda saýdalanatyn bolady.
[perfectpullquote align="full" bordertop="false" cite="" link="" color="" class="" size=""]Osy rette Qazaqstanda óndiriletin sýsyndar tabiǵi ingredientterden óndiriletin ónim bolǵandyqtan, ol básekege tolyqtai qabiletti dep nyq senimmen aitýǵa bolady.
Global Beverages kompaniiasy óz ónimderin daiarlaýda Qazaqstanda ósetin joǵary sapaly iriktelgen bidai sorttaryn, tabiǵi kózderden alynatyn sýdy, tabiǵi dándi-daqyldardy jáne jemis-jidekterdi, dárilik shópter men tamyrlardy, baldan jasalǵan paidaly tunbalardy paidalanady.[/perfectpullquote]
Kásiporynnyń taǵy bir básekege qabiletti ekenin bidai ósirýden bastap, joǵary sapaly spirt óndirý, túrili ishimdik ónimderin óndiretin sońǵy tsiklge ie ekenin de aita ketýimiz kerek.
Elimizdegi jetekshi eksporttaýshy Global Beverages kompaniiasy ekologiialyq taza, joǵary sapaly ónimin álemdik naryqqa tikelei shyǵaryp, ónimderiniń jahandyq naryqqa qatysýyn nyǵaita tússe, elimiz úshin joǵary qosylǵan quny salanyń damýyn qamtamasyz etip, el ekonomikasy órkendetýge úles qosýda.
Aldaǵy ýaqytta Global Beverages Qytai naryǵynda ózimen birge ózge de qazaqstandyq óndirýshilerdiń múddesin qorǵaityn bolady.
Kompaniia «Petropavl araq zaýyty», «Kókshetaý mineraldy sýlary», «Geom», «Vympel Group» syndy óndirýshilermen tyǵyz jumys istep, olardy Qytaidan basqa Baltyq elderi, Shyǵys Eýropa, Resei, Zakavkaze, Ortalyq Aziia elderine keńinen taralyýyn qamtamasyz etip keledi.
