Turǵyn úi kezeginde turǵandardyń tizimin jyl saiynǵy túgendeý Qazaqstanda 300 myńǵa jýyq adam tizimnen shyǵarylýy múmkin ekenin kórsetti, dep habarlaidy Dalanews.kz.
Bul týraly QR Ónerkásip jáne qurylys ministrligi málim etti.
Tizimnen shyǵarylýy múmkin topqa iaǵni, talapqa sai kelmeitin, baspanasy bar nemese zań boiynsha turǵyn úi alýǵa ótinish berýge quqyǵy joq tulǵalar jatady.
2024 jyldyń 1 qańtarynan búgingi kúnge deiin, ákimdikter jalpy sany 34 000 azamatty kezekten shyǵarý týraly qaýly qabyldady.
Kezekte turǵandar arasyndaǵy eń úlken sáikessizdikter kelesi sebepter boiynsha anyqtaldy:
– kezekte turǵan adamnyń jáne onyń otbasy músheleriniń turǵyn úi jyljymaityn múlki bolsa;
– kezekte turǵan adamnyń otbasy músheleri týraly derekterdiń sáikes kelmeýi;
– áleýmettik jaǵdaiynyń sáikes kelmeýi (tolyq emes otbasy, 1 jáne 2 toptaǵy múgedekter jáne t.b.);
– memlekettik qyzmetshi mártebesiniń sáikes kelmeýi (AJ-de ekyzmet bolmaýy).
2024 jyldyń mamyr aiynan bastap ministrlik kezekte.kz aqparattyq júiesin ázirleýshilermen birlesip, sáikessizdikter anyqtalǵan kezekte turǵandardy jeke derekterin jańartý qajettiligi týraly SMS habarlama arqyly habardar etý týraly sheshim qabyldady.
Qabyldanǵan sharalardyń nátijesinde azamattar turǵylyqty jeri boiynsha ákimdikterge málimetterdi jańartý úshin belsendi túrde kele bastady. Búgingi tańda, 34 myń azamatty kezekten shyǵarý týraly sheshim qabyldandy. Mamyr aiynan búginge deiin 17 000 azamat kezekten shyǵaryldy.
