Qazaqstanda Ulttyq arheologiialyq qyzmet qurý josparlanyp otyr, dep habarlaidy Dalanews.kz.
Bul bastama tarihi-mádeni mura obektilerin qorǵaý týraly zań jobasyna engizilgen túzetýlerde qarastyrylǵan. Qujat Májiliste birinshi oqylymda maquldandy.
Jobanyń bastamashysy - depýtat Ashat Aimaǵambetov. Zań jobasy arheologiialyq nysandardy qorǵaý, zertteý jáne paidalaný tiimdiligin arttyrýdy kózdeidi.
Qujatta birqatar jańa sharalar qarastyrylǵan:
- tabylǵan barlyq eskertkishter týraly derekterdi qamtityn biryńǵai aqparattyq júie qurý;
- arheologiialyq jáne qalpyna keltirý jumystaryna jeke litsenziialar engizý;
- arheologiialyq oljalardyń ulttyq depozitariiin qalyptastyrý.
Jańa qyzmet Álkei Marǵulan atyndaǵy arheologiia institýty janynan qurylyp, el boiynsha arheologiialyq zertteýlerdi úilestiredi. Sonymen qatar, zań jobasynda litsenziiasyz metall izdegishterdi paidalanýǵa tyiym salý usynylǵan. Bul zańsyz qazba jumystaryn jáne tarihi artefaktilerdiń shetelge shyǵarylýyn boldyrmaý maqsatynda engizilmek.
