Grýzıalyq saıasatker Levan Varshalomıdze áýejaıda shekaradan ótip bara jatqan kezde ustaldy, dep habarlaıdy Dalanews.kz.
Reseı prokýratýrasy oǵan Ýkraın bıligine keńesshilik qyzmet kórsetýine baılanysty aıyp taqqan.
«Ulttyq qozǵalys» partıasynyń jetekshisi Levan Bejashvılı bul qylmystyq istiń negizsiz ekenin aıtyp, Varshalomıdzeniń ekstradısıalanýyna alańdaýshylyq bildirdi.
Orda.kz málimetinshe, Levan Varshalomıdze áýejaı arqyly shekaradan ótý kezinde ustalǵan.
«Biz Reseıden Levan Varshalomıdzege qatysty qylmystyq is boıynsha jáne onyń Ýkraına bıligimen saıası konsýltasıalyq qyzmetimen baılanysty aqparat aldyq», deıdi ulttyq qozǵalys jetekshileriniń biri Levan Bejashvılı.
Alaıda onyń aıtýynsha, Reseı qozǵaǵan qylmystyq is negizsiz eken.
«Ekstradısıalaý boıynsha bizdiń barlyq resýrstarymyz Ýkraına men Qazaqstan ókilderimen tıisti qarym-qatynas jasasýda», dep qosty jetekshi.
Levan Varshalomıdze grýzın saıasatkeri, jýyrda ǵana sottalǵan eks-prezıdent Mıhaıl Saakashvılıdiń jaqyn seriktesi. Ol 2004-2012 jyldary Adjarıa úkimetin basqardy. «Raýshan revolúsıasynyń» basty qaıratkeri boldy.
