Qazaqstan BUU Bas Assambleiasynyń dini rámizderdi qorlaýdy aiyptaityn qararynyń teńavtorlaryna qosyldy
Qabyldanǵan qararda din nemese nanym-senimine bailanysty adamdarǵa qarsy zorlyq-zombylyq áreketterdiń barlyq túrleri aiyptalady. Sonymen qatar qujatta dini rámizderge, qasietti kitaptarǵa, turǵyn úilerge, jumys oryndaryna, múlikterge, mektepterge, mádeniet úileri men ǵibadat oryndaryna qarsy baǵyttalǵan kez kelgen áreketterdi aiyptaýǵa nazar aýdaryldy.
BUU qararynyń mátinine dini rámizder men qasietti kitaptarǵa siltemelerdi engizý týraly sheshim Eýropanyń birqatar elderinde Qasietti Quran órtep, ony qorlaý oqiǵalarynyń tizbegi aiasynda qabyldandy.
Qazaqstan BUU-ǵa múshe basqa 47 elmen birge bul qarardyń teńavtory boldy.
Bizdiń elimiz beibitshilik, senim, qoǵamdyq kelisim jáne bir-birin ózara qoldaý ideialary tóńireginde qundylyqtar men adamdardy biriktirýdiń tekserilgen júiesin qalyptastyrýǵa erekshe mán beredi.
Osy turǵyda Qazaqstan Prezidenti Qasym-Jomart Toqaev dini vandalizm jaǵdailary qazirgi álemde shielenisti basýǵa, halyqtar men memleketter arasyndaǵy senimge nuqsan keltirýge baǵyttalǵan ruqsat etilmeitin arandatýlar bolyp tabylatynyn málimdedi. Mundai áreketter memleketter men dinderdiń órkenietti qatar ómir súrýiniń jalpyǵa birdei tanylǵan normalaryna qaishy keletin aktsiialar retinde biraýyzdan aiyptalýǵa tiis.
Aita ketý kerek, Qazaqstan 2003 jyldan bastap Álemdik jáne dástúrli dinder kóshbasshylarynyń sezderin ótkizýdiń bastamashysy retinde jahandyq dinaralyq jáne konfessiiaaralyq dialogtyń bedeldi jaqtaýshylarynyń biri bolyp tabylady.
