Qazaqstan Baiqońyr keshenindegi «Gagarin besedkasy» jáne ózge de birqatar nysandy óz menshigine qaitarýdy josparlap otyr. Bul týraly premer-ministr Oljas Bektenov málimdedi, dep habarlaidy Dalanews.kz.
Premer-ministrdiń aitýynsha, «Baiqońyr» kesheniniń týristik áleýetine erekshe nazar aýdarylýda. Týrizmdi damytý maqsatynda «Kazakh Tourism» AQ keshen aýmaǵyndaǵy týrizmdi damytý tujyrymdamasyn ázirlep jatyr.
2024 jylǵy qarashada ulttyq naqyshta bezendirilgen kiiz úi ornatylyp, QAZQOSMOS baqylaý beketi salynǵan. Ol «Soiýz» zymyrandaryn ushyrýdy tamashalaýǵa arnalǵan.
Sonymen qatar, qazaqstandyq tarapqa qaitarý jáne týristik tartymdy nysandardy jalǵa berý boiynsha jumystar júrgizilýde. Atap aitqanda:
«Nóldik kvartal»
«Gagarin besedkasy» (10-alań)
«Kottedjder» qonaqúii (2j-alań)
Montajdyq-zariad kesheni (112A-alań)
Dinamikalyq synaq stendi (112d-alań)
«Gagarin starty» nysanyn jalǵa berý jumystary osy jyldyń birinshi jartyjyldyǵynyń sońyna deiin aiaqtalady», – dedi Bektenov Májilis depýtattarynyń saýalyna jaýap bere otyryp.
Bektenovtiń aitýynsha, «Infrakos» RMK qazaqstandyq jáne reseilik týroperatorlarmen qyzmet kórsetý sharttary týraly kelisimder jasaǵan. Sonymen qatar, GEORARK ARAL qoǵamdyq qorymen memorandýmǵa, al «Kazakh Tourism» AQ jáne «BSL consulting» JShS-men úshjaqty yntymaqtastyq týraly kelisimge qol qoiylǵan.
«Báiterek» birlesken kásiporny da keshenniń negizgi nysandaryn qamtityn ekskýrsiialyq baǵdarlamalardy bekitti.
2018 jyly «Báiterek» ǵarysh-zymyran keshenin qurý jobasyn iske asyrý úshin «Zenit-M» zymyran kesheniniń nysandary Resei Federatsiiasynyń jaldaýynan shyǵarylyp, Qazaqstannyń qaramaǵyna qaitarylǵan.
Sodan beri bul keshenniń jumysqa qabilettiligin saqtaý jáne maqsatyna sai qoldanýǵa daiyndyǵyn qamtamasyz etý úshin 010-biýdjettik baǵdarlama – «Ǵarysh infraqurylymyn saqtaý jáne paidalanýdy keńeitý» aiasynda qarjylandyrylyp keledi.
2025 jyly «Zenit-M» kesheniniń jerústi ǵarysh infraqurylymyn kútip-ustaý jáne paidalaný úshin 937,6 mln teńge bólingen. Sonymen qatar, 155 injenerdi jaldaý úshin 590 mln teńge qosymsha qarjylandyrý respýblikalyq biýdjetti naqtylaý aiasynda qarastyrylady.
Búginde ýákiletti organdar Baiqońyr keshenindegi 69 avtokólik quralyn jaldaýdan shyǵarý máselesin qarap jatyr. Atalǵan kólik quraldary qoldanystaǵy zańnamaǵa sáikes tirkeletin bolady.
«Qazirgi tańda «Ǵaryshtyq tehnika jáne tehnologiialar», «Aeroǵaryshtyq injeneriia» mamandyqtary boiynsha (bakalavriat, magistratýra, PhD) mamandar daiarlaý kelesi joǵary oqý oryndarynda júrgizilýde: ál-Farabi atyndaǵy Qazaq ulttyq ýniversiteti, L.N. Gýmilev atyndaǵy Eýraziia ulttyq ýniversiteti, G. Dáýkeev atyndaǵy Almaty energetika jáne bailanys ýniversiteti, Q.I. Sátbaev atyndaǵy Qazaq ulttyq tehnikalyq ýniversiteti. Sonymen birge, mamandar «Bolashaq» halyqaralyq stipendiiasy jáne Baiqońyr qalasyndaǵy Máskeý aviatsiialyq institýtynyń «Voshod» filialy arqyly daiyndalady», – dedi úkimet basshysy.
Qazaqstandyq ǵaryshkerlerdiń qatysýymen júzege asyrylatyn halyqaralyq ǵarysh baǵdarlamalaryna qatysty Bektenov mundai jobalar ulttyq jáne halyqaralyq maqsattylyqqa bailanysty iske asyrylatynyn atap ótti.
«Ushýǵa qatysý tek reistiń ózin ǵana emes, ǵaryshkerdi daiarlaý, ǵylymi baǵdarlama, logistika jáne ushýdan keiingi qyzmetti de qamtityn eleýli qarjylyq shyǵyndardy talap etedi. Sondyqtan tórtinshi qazaqstandyq ǵaryshkerdiń ushýyn júzege asyrý – óte baiypty ári pragmatikalyq tásildi qajet etedi. Eger joba ózektiligi men negizdiligi boiynsha rastalsa, tiisti sharalar halyqaralyq mindettemeler men eldiń qarjylyq-ekonomikalyq múmkindikteri aiasynda belgilengen tártippen júzege asyrylady», – dep túsindirdi premer-ministr.
