Qarashada Qazaqstan AQSh-qa áýe reisterin oryndaýǵa ruqsat alýy múmkin, dep habarlaidy dalanews.kz.
Qyrkúiekte FAA IASA sarapshylary keledi dep josparlanyp otyr. Bul týraly Úkimet otyrysynda Qazaqstannyń Aviatsiialyq ákimshiliginiń basshysy Maikl Deniel málimdedi.
Mamandar ulttyq zańnama men qadaǵalaý tájiribesi halyqaralyq standarttarǵa qanshalyq sáikes ekenin baǵalaidy. Osyǵan bailanysty Azamattyq aviatsiia komiteti ishki baqylaýdy kúsheitip jatyr: vedomstvonyń qadaǵalaýynda 104 eksplýatant, 973 áýe kemesi jáne 25 sertifikattalǵan áýejai bar.
Byltyr jáne biyl birinshi toqsanda 1,2 myńnan asa tekseris júrgizilgen. Tekseris qorytyndysy boiynsha zańbuzýshylyqtar úshin 7 áýe kompaniiasynyń, 4 oqý ortalyǵynyń jáne 2 servistik uiymnyń qyzmeti ýaqytsha toqtatyldy nemese tolyq toqtatylǵan.
"Negizgi maqsatymyz - 2026 jyly qarashada FAA CAT 1 mártebesin alý", - dedi Maikl Deniel.
Eske salaiyq, buǵan deiin Tokioǵa tikelei reis biyl tórtinshi toqsanda iske qosylatyny, AQSh-pen tikelei áýe qatynasy kelesi jyldyń ekinshi toqsanyna josparlanyp otyrǵany habarlandy.
