Jeli belsendisi Erlan Mazan Qytaidyń jer jaldaý saittarynda osy aqparatty kózi shalyp qalǵanyn jazǵan.
"Oida joqta Qytaidaǵy Jer jaldaý saityna tap bolyp, tań qaldym. Álgi Jer kodeksi arqyly sheteldikterge jalǵa berilmeitin bolyp sheshilgen aýylsharýashylyq maqsatyndaǵy qazaqtyń jeri sol jerde arzan baǵamen ashyq saýdaǵa salynyp jatyr. Bul endi baryp turǵan bassyzdyq qoi!", - dep ashýǵa býlyqqan edi jeli belsendisi.
Atalǵan jait jurttyń nazaryna iligip, qazaqtildi ortada qyzý talqyǵa tústi. "Bul saitqa jarnamany kim saldy?" degen saýal kesheli beri álemjelidegi qaýymǵa maza bermei kelgen-di.
Dalanews.kz aqparattyń anyq-qanyǵyn anyqtaý maqsatynda Aýyl sharýashylyǵyń Jer komitetine saýal joldaǵan bolatyn.
Artynsha osy jóninde komitet tóraǵasy Murat Temirjanov jelidegi jurtqa jaýap qatyp, atalǵan aqparattyń jalǵan ekenin málimdedi.
"Jer kodeksiniń 24-babynyń talaptaryna sáikes, sheteldikter, azamattyǵy joq adamdar, sheteldik zańdy tulǵalar, sheteldik qatysýy bar Qazaqstan Respýblikasynyń zańdy tulǵalary, halyqaralyq uiymdar, halyqaralyq qatysýy bar ǵylymi ortalyqtar, sondai-aq qandastar aýyl sharýashylyǵy maqsatyndaǵy jer ýchaskelerin jeke menshik nemese jer paidalaný quqyǵymen ielene almaidy, iaǵni aýyl sharýashylyǵy maqsatyndaǵy jer ýchaskelerin sheteldikterge berýge qatań tyiym salynǵanyn atap ótemiz.
Sonymen qatar, aýyl sharýashylyǵy maqsatyndaǵy jer ýchaskelerin sheteldiktermen nemese azamattyǵy joq adamdarmen nekede turǵan (erli-zaiypty) Qazaqstan Respýblikasynyń azamattaryna jeke menshikke jáne jer paidalaný quqyǵymen berýge jol berilmeidi.
Áleýmettik jelide jariialanǵan Qytai eliniń saityndaǵy Qazaqstan aýmaǵyndaǵy jerlerdiń satylatyndyǵy týraly aqparat jalǵan ekendigin málimdeimiz", - dep habarlady komiteti basshysy.
Murat Temirjanovtiń atap ótkenindei atalǵan zań normalaryn buzý derekteri anyqtalǵan jaǵdaida olarǵa jol bergen sýbektiler zańnama talaptaryna sáikes jaýapqa tartylady. Bul másele Aýyl sharýashylyǵy ministrliginiń turaqty baqylaýynda.
Aita ketelik, atyshýly jazbaǵa pikir bildirgen tanymal saiasatker Muhtar Taijan da óz sózinde zańǵa súiengen bolatyn. "Zańda bundai múmkindik joq" dedi Jer kodeksiniń 24-shi babyn tilge tiek etken saiasatker.
Aitpaqshy
SIM basshysy Murat Nurtileýdiń Briýssel sapary sátti boldy. Nurtileý «sanktsiia Qazaqstandy da qamtidy» degen qaýiptiń aldyn alǵan. Tolyǵyraq osy tusta: t.me/dalainside/1325
