Qala kúni aiasynda Tarazda Jambyl aqynnyń eskertkishi ashyldy
Sonyń biri – Jambyl alańynan oblys ákimdigi ǵimaratynyń aldyna kóshirilgen Jambyl Jabaevtyń eskertkishi saltanatty túrde ashyldy.
Ashylý rásiminde oblystyq Qoǵamdyq Keńestiń tóraǵasy Jandar Káribaiuly men Qazaqstan Respýblikasynyń Mádeniet qairatkeri Álibek Ámzeuly sóz sóilep, daýylpaz aqynnyń alyp beinesi óz ornyn endi tapqanyn aitty.
– Jambyl – qazaqtyń aqyndyq óneriniń qazanynda qainap, ejelgi aýyz ádebietiniń káýsarymen sýsyndap, aqyndyq, jyraýlyq dástúriniń XX ǵasyrdaǵy týyn biikke kótergen uly jyraý.
Jambyldyń qanatty jyrlary álemniń elýge tarta tiline aýdarylyp, milliondardyń júregine izgilik nuryn septi. Biz muny eń aldymen Jambyl atamyzdyń ólmes óneri arqyly álem jurshylyǵyna qazaq halqynyń rýhani bolmysynyń tanylýy dep bilýimiz kerek, – dedi sóz alǵandar.
Esterińizge sala keteiik, atalmysh eskertkishten bólek búgin qala kóleminde Jambyl babamyzdyń eskertkishiniń mańynda jáne ortalyq «Dostyq» alańynda túrli-tústi sazdy áýen yrǵaǵymen oinaityn tórt sýburqaq paidalanýǵa berildi.
Temir jol beketindegi alleia, Jeńis saiabaǵynda ornalasqan «Tyl eńbekkerlerine», «Aýǵan soǵysynyń ardagerlerine», «Chernobl apatyna qatysýshylarǵa» arnalǵan eskertkishter ashylady.
Sondai-aq búgin qalamyzda «Jeltoqsan tolqyny» ataýymen elimizdegi eń uzyn ári maǵynasy zor sýburqaq, tolyq qaita jańǵyrtýdan ótken Qairat Rysqulbekov atyndaǵy saiabaǵynda halyq qaharmanynyń eskertkishi, Jeltoqsan oqiǵasyna qatysýshylarǵa arnalǵan «Táýelsizdik ushqyny alleiasy», «Ǵibrat» ortalyǵy ashylmaq.
Sonymen qatar, tarazdyqtar «Úshbulaq» jaǵalaýyndaǵy demalys aýmaǵynyń ashylýyn tamashalaidy.
08 INFO
