Qazaqstan halqy Assambleiasynyń HHHIV sessiiasynda Memleket basshysy Qasym-Jomart Toqaev jýrnalister men blogerlerge eskertý jasady, - dep habarlaidy Dalanews.kz.
Toqaev budan ári beibitshilikke nuqsan keltiretinderge qatań tosqaýyl qoiylatynyn aitty.
"Kúrish pen kúrmekti, konstrýktivti syn men dálelsiz min taǵýdy, kóńilge timeitin parodiia men jiirkenishti qorlaýdy aiyra bilý mańyzdy. Zań aldynda bári teń. Sol sebepti biz elimizdegi etnosaralyq kelisim men beibitshilikke nuqsan keltiretin kez kelgen arandatýdyń jolyn kesip kelemiz, budan ári de qatań tosqaýyl qoiamyz. Ózderin sóz erkindiginiń jaqtaýshysy retinde kórsetkisi keletin keibir quqyq qorǵaý uiymdarynyń ókilderi, blogerler men jýrnalister elimizdegi ár isten saiasi, jaǵymsyz astar izdep, shyn máninde, arandatýmen ainalysyp júrgenin aitpasqa bolmaidy. Bul Qazaqstannan kóship ketip, shetelde júrip halqymyzǵa shabýyl jasaityn, tipti, memlekettik organdardy bopsalaityn burynǵy azamattarymyzdyń áreketi. Olar shet memleketter bergen aqshany aqtaýǵa jumys istep júr. Búginde muny bári biledi", - dedi Toqaev.
Sonymen qatar, Prezident elimizdiń ál-aýqaty, sonyń ishinde demokratiiasy men sóz bostandyǵy úshin shetelde eshkimniń basy aýyryp, baltyry syzdamaitynyn jetkizdi.
