- Nursultan Ábishuly – bizdiń ákemiz, bizdiń memlekettiń qabyrǵasyn qalaǵan adam. Qazaqstandaǵy barlyq turǵyndar – "nazarbaevshylar". Osy sebepti bizdiń maqsatymyz balalarymyz ben nemerelerimizdi "nazarbaevshylar" qylyp tárbieleý" – dedi óz sózinde Júnisov.
Júnisov sózin aiaqtaǵannan keiin Elbasy:
-Bul eski lozýngterge uqsaidy. Meni munshama asyra maqtaýdyń qajeti joq. Sender bolashaq politseilerdi baýlyp jatyrsyńdar. Osy sebepti olardyń qulaǵy tártip saqshysynyń negizgi printsipterin quiýǵa tiistisińder, – dedi.
Prezidenttiń aitýynsha, joldaǵy para alý jáne para berýmen kúresý kerek. "AQSh-ta para berý týraly túsinik joq. Qazaqstandaǵy politsiia qyzmetkerleriniń jalaqasy jaqsy. Politsiia adamnyń dosy bolýy kerek. Halyq ózin qaýipsiz sezinýi tiis" dedi Prezident.
