Petropavldaǵy provokatorlardy jaýapqa tartý qajet - Assambleia
Biz, Qazaqstan halqy Assambleiasynyń ókilderi, Qazaqstan Respýblikasynyń aýmaqtyq tutastyǵynyń myzǵymastyǵyn jáne oǵan ishki jáne halyqaralyq zańnamammen kepildik berilgenin málimdeimiz.
Bul áreketterdi memleketimizdiń konstitýtsiialyq negizderine, qaýipsizdigine, birligi men turaqtylyǵyna qarsy baǵyttalǵan el múddesine jasalǵan opasyzdyq dep baǵalaimyz.
Biz birtutas halyq retinde qazaqstandyq qoǵamda eshkimniń arazdyq pen senimsizdik taratýyna jol bermeimiz!
Mundai arandatýshylyqtar asa jaýapsyzdyqtyń kórinisi jáne quzyrly organdar tarapynan qatań túrde tiylý kerek. Kináliler sot tártibimen zań aiasynda jazalanýy tiis.
Qazaqstan halqy Assambleiasy azamattardy mundai áreketterge boi aldyrmaýǵa jáne myzǵymas birligimiz ben qoǵamdyq kelisimimizdiń negizi – halqymyzǵa tán danalyqty, tózimdilikti, senim men ózara syilastyqty saqtaýǵa shaqyrady.
Qazaqstan – bizdiń ortaq shańyraǵymyz jáne biz qai jerde bolsaq ta súiikti Otanymyzdyń ókilderimiz, al halyqaralyq qaýymdastyq bizdi birtutas ári qýatty ult retinde tanidy.
Biz ártúrlimiz, biraq birligimiz áralýandylyqta. Bul qaǵidadan biz eshqashan aýytqymaimyz.
Qazaqstan halqy Assambleiasy
