Telefon arqyly tildesken Nazarbaev pen Pýtin nendei máseleni talqylady?
Qazaqstan prezidenti baspasóz qyzmetiniń habarlaýynsha, "eki eldiń basshylary Nazarbaevtyń otstavkaǵa ketý týraly sheshimi jaiynda sóilesken".
Budan bólek prezidentter "aldaǵy ýaqytta da turaqty túrde hat-habar almasyp turýǵa" sóz bailasqan.
Reseilik aqparat quraldary oryntaǵyn bosatqan Nazarbaevtyń otstavkasyn jarysa jazýda.
Olardyń basym bóligi "endigi jerde eki el arasyndaǵy bailanysta qandai ózgeris bolady?" degenge saiady.
Dýmadaǵy Eýraziialyq integratsiia komiteti tóraǵasynyń orynbasary Konstantin Zatýlin "Toqaevty Nazarbaevtyń aitqanymen júretin adam" dep esepteidi.
"Nazarbaev ketkenimen yqpalyn joǵaltqan joq. Ol Qytaida Den Siaopin qoldanǵan ádisti Qazaqstanda júzege asyrmaq. Mańyzdy qyzmette otyryp, prezidentti baqylaýda ustaityn bolady", – deidi ol.
Reseidiń halyqaralyq ister boiynsha Federatsiia keńesiniń tóraǵasy Konstantin Kosachev "Toqaevty Reseidiń eskiden kele jatqan senimdi seriktesi" sanaidy.
"Eki kún buryn Astanada kezdesip, aman-saýlyq surastyq. Eki el arasyndaǵy bailanysty qazirgi qalpynda saqtaýǵa múddeli ekenin túiindep ótti", – dedi ol Toqaevtyń búgingi baǵyttan aýytqymasyna senim bildirip.
Reseilik saiasattanýshy Dmitrii Verhotýrovtyń paiymdaýynsha, Toqaev Kreml úshin qolaily tulǵa, ári asa bilikti diplomattyń biri.
Al Federatsiia keńesiniń tóraǵasy Valentina Matvienko Nazarbaevtyń otstavkaǵa keterin kútpegenin aityp, buǵan barynsha muqiiat qaraý qajettigin málimdedi.
