Memleket basshysy Koreıa Respýblıkasynyń Prezıdenti Lı Chje Móńmen telefon arqyly sóılesti, dep habarlaıdy Dalanews.kz.
Áńgimelesý barysynda prezıdentter san qyrly qazaq-koreı yntymaqtastyǵyn odan ári nyǵaıtýǵa beıil ekenin rastady.
Memleketter basshylary ekijaqty baılanystardyń barlyq baǵyty boıynsha egjeı-tegjeıli pikir almasty. Sondaı-aq saýda-ekonomıkalyq jáne mádenı-gýmanıtarlyq yqpaldastyqty jandandyrýǵa nıet bildirdi.
Taraptar ónerkásip, energetıka, mashına jasaý, bilim berý jáne medısına salalarynda qolǵa alynǵan ári perspektıvti jobalardy tıimdi júzege asyrýdyń mańyzyn atap ótti.
Lı Chje Móń Qazaqstan Prezıdentin Koreıa Respýblıkasyna resmı saparmen kelýge shaqyrdy.
Qasym-Jomart Toqaev Ońtústik Koreıa basshysynyń shaqyrýyn rızashylyqpen qabyl alyp, kelesi jyly Seýlde ótetin «Ortalyq Azıa – Koreıa Respýblıkasy» formatyndaǵy samıtke qatysatynyn málimdedi.
