Sońǵy on jylda alǵash ret Talas ózeniniń tómengi bóligindegi Qarakól kóli sýǵa toldy. Bul jańalyqty elimizdiń Sý resýrstary jáne irrigatsiia ministrligi málimdedi, dep habarlaidy Dalanews.kz.
Vedomstvo ókilderiniń aitýynsha, mundai oń ózgeris sýdy tiimdi ári utymdy bólý nátijesinde júzege asyp otyr.
Ministrliktiń málimetine súiensek, sýarý maýsymy bastalmai turyp, ekologiialyq maqsatta sý jiberý jumystary qolǵa alynǵan. Sonyń arqasynda Jambyl oblysyndaǵy Qarakól kóli ǵana emes, Sulýkól kóline de sý jetip, Sarysý men Talas aýdandaryndaǵy tabiǵi jaiylymdar da tirshilik nárimen qamtyldy.
"Bastapqyda osy maqsatqa "Oiyq" gidrotoraby arqyly 120 mln tekshe metr sý jiberý josparlanǵan edi. Alaida sáýir aiynyń ortasyna qarai ekologiialyq maqsatta sý jiberýdiń jalpy kólemi 315 mln tekshe metrge jetti", - dep jazylǵan habarlamada.
Jambyl oblysyndaǵy "Qazsýshar" filialynyń mamandary arnaiy tekseris júrgizip, Talas ózeni arqyly jiberilgen sýdyń Sarysý jáne Talas aýdandaryna jetkenine kóz jetkizdi.
Ministrlik habarlaǵandai, óz kezeginde jergilikti turǵyndar atqarylǵan jumys úshin jaýapty vedomstvolarǵa alǵys bildirip jatyr.
