Almatyda aiaýsyz óltirilgen kúzetshiniń isi boiynsha jýyrda sot úkimi shyqty. Alaida marqumnyń týystarynyń aitary bar, – dep habarlaidy Dalanews.kz.
Sondyqtan kináliniń ómir boiyna bas bostandyǵynan aiyrý jazasyna kesilgenin qalaidy. Marqumnyń jesiri sharasyz kúige túsken. Úsh aidan beri sot úkimin kútken Nurbol Qaiypbaevtyń jary kináli tiisti jazasyn ala ma dep úmittengen. Alaida ol "sot qasaqana azaptap adam óltirgen qylmyskerge jeńil jaza taǵaiyndady" dep kúiinedi. "Al bul jyldar jan-jarymnyń ornyn toltyrmaidy" dep kózine jas aldy.
"22 jyl biz úshin az. Joldasymnyń ómirin qiǵandyqtan... Ol adamnyń jer basyp júrýine qarsymyn. Men bolashaǵymdy elestete almaimyn, balalarymdy, aldyǵa qarai ómir súrýimizdi oilai almaimyn. Ákelerin bir sátte joq qylǵany óte ókinishti. Balalar áli de moiyndai almaidy ákesiniń joqtyǵyn", - deidi marqumnyń áieli Ásem Moldahunova.
Aita keteiik, byltyr qaladaǵy Merkýr Taýn turǵyn kesheniniń kúzetshisi bolyp jumys istegen Nurbol Qaiypbaevty mas kúiinde kólik tizgindegen er adam birneshe ret kóligimen basyp, artynsha uryp óltirgen bolatyn. Kinálige asqan qatygezdikpen jasalǵan adam óltirý jáne jeke ómirge qol suǵý baptarymen aiyp taǵyldy.
Sot ony kináli dep taýyp, 22 jylǵa bas bostandyǵynan aiyrdy. Sondai-aq, moraldyq shyǵyn retinde 20 million teńge tóleýge mindettedi. Alaida 12 múshesi sap-saý er-azamattyń ómirin qidy degen áiel kináli adamnyń ómir boiyna bas bostandyǵynan aiyrylǵanyn qalaidy. Sondyqtan jábirlenýshi taraptyń advokaty appeliatsiiaǵa bermek.
Marqum Nurbol Qaiypbaevtyń artynda kámelet jasyna tolmaǵan 3 balasy qaldy. Kenjesin byltyr kúzde jetektep, birinshi synypqa aparmaq bolypty. Alaida 45 jastaǵy azamattyń bul armany sol kúii oryndalmady.
