Jetisý oblysyndaǵy mektep qurylysyna qaitarylǵan aktivter qarajaty esebinen 5,5 mlrd teńge baǵyttaldy, dep habarlaidy dalanews.kz.
Prezidenttiń zańsyz iemdenilgen aktivterdi qaitarý jónindegi tapsyrmalaryn oryndaý sheńberinde Arnaýly memlekettik qordan Jetisý oblysynda jańa jalpy bilim beretin mektep salýǵa 5,5 mlrd teńge bólindi.
Kóksý aýdanynyń Balpyq bi aýylynda 600 oqýshyǵa arnalǵan jańa mektep salynýda. Jańa nysanǵa degen qajettilik halyq sanynyń ósýi jáne qoldanystaǵy bilim berý infraqurylymyna túsetin júktemeniń artýyna bailanysty týyndap otyr. Jańa mektep balalarǵa turǵylyqty jerine jaqyn jerde zamanaýi bilim berý infraqurylymyna qol jetkizýge múmkindik beredi.
Qurylysty 2027 jyldyń sońyna deiin aiaqtaý josparlanyp otyr. Aktivterdi qaitarý boiynsha jumys sheńberinde Úkimet 610 mlrd teńge somasyna 500-den astam áleýmettik jobany qarjylandyrýdy maquldady. Qor qarajaty búkil el boiynsha bilim berý, densaýlyq saqtaý, sporttyq jáne kommýnaldyq infraqurylym nysandaryn salýǵa jáne jańǵyrtýǵa baǵyttalady. Bilim berý salasynda 64,4 mlrd teńge somasyna 17 joba júzege asyrylyp jatyr.
