Polısıa Májilistiń eks-tóraǵasy Nurlan Nyǵmatýlınniń úlken uly Nurjan Nurlanovqa qatysty "reıderlik" baby boıynsha qylmystyq is qozǵady, dep habarlaıdy Dalanews.kz.
Tergeýge bıznesmen Qanat Ámirkınniń aryz-shaǵymy negiz bolǵan. Ol buǵan deıin Nurlanovty "Alataýdorstroı" kompanıasyn reıderlik jolmen basyp aldy jáne aqsha bopsalady dep aıyptaǵan edi.
Bul keıingi ýaqytta Nyǵmatýlınder áýletine baılanysty týyndaǵan alǵashqy daý emes.
Bıyl naýryz aıynyń basynda Bas prokýratýra Nurlan Nyǵmatýlınniń týǵan aǵasy Arǵyn Nyǵmatýlındi halyqaralyq izdeýge jarıalaǵan. Sonymen qatar onyń inisi Erlan Nyǵmatýlınge qatysty «bopsalaý» faktisi boıynsha qylmystyq is qozǵalyp, tergeý júrip jatyr.
Nurlan Nyǵmatýlın 2022 jyly 1 aqpanda Májilis spıkeri qyzmetinen ketken.
