Bul týraly sputniknews.kz habarlady.
«Qazaqstanda biliktiń almasýyna ázirliktiń júrip jatqanyna sońǵy birneshe jyl boldy. Islam Kárimovtiń ólimi bul úderisti jedeldetti… Barlyǵyn Nazarbaev óziniń ornyna kimdi qaldyrýy múmkin degen suraq mazalaýdy. Qazirgi bilikti qaita bólý prezidenttiń ártúrli oiynshylar arasynda, atap ótkende parlamentti kúsheitý áreketi bóliginde kúshterdiń balansyn qurý áreketine keledi.
Elbasy Parlamentti kúsheitpekshi. Bul Qazaqstannyń jaǵdaiynda ońai bolmasyn eskerý kerek. Degenmen halyqty Nazarbaevtyń murageri kim bolady degen saýal kóbirek mazalaidy. Bir anyǵy, kelesi prezidenttiń ókilettigi áldeqaida shekteýli bolady. Qazirgi jasalyp jatqan dúnielerdiń barlyǵy osyǵan negizdelgen. Kelesi prezident álsiz oiynshy bolýy múmkin. Demek, ony baqylaý da jeńil bolady.
Al muragerler týraly aitsam, olardyń tizimi baiaǵysha jáne ózgerissiz keledi. Buǵan prezident otbasyn onyń ishinde Dariǵa Nazarbaeva men Timýr Qulybaevty, qazir UQK basshysynyń orynbasary qyzmetin atqaratyn Elbasynyń nemere inisi Samat Ábishti jáne eski gvardiia qataryndaǵy azamattardy atap aitýǵa bolady.
Al Tasmaǵambetov týraly aitsam, ol halyq arasynda asa tanymal tulǵa. El ony jaqsy kóredi. Alaida onyń dostarymen qatar dushpandary da kóp. Sosyn júzdik faktordy da joqqa shyǵarýǵa bolmaidy. Ol Kishi júzdiń balasy. Uly júz ben Orta júzdiń ókilderi bul sheshimdi qoldai qoiýy neǵaibyl», — deidi Sátpaev.
