Nazarbaev Prezidenttik sailaýǵa túsetin boldy
"Biz alǵa jyljýymyz qajet. Sondyqtan men aldymyzda turǵan kúrdeli, jańa mindetterdi iske asyrý úshin óz kandidatýramdy usyný jóninde sizdermen kelisetin bolarmyn", - dedi Nazarbaev sezde.
Sezge qatysýshylar Memleket basshysy Nursultan Nazarbaevtan kezekten tys prezident sailaýyna óz kandidatýrasyn usynýdy suraǵan bolatyn. Ár aimaqtan barlyǵy 11 delegat sóz sóiledi, olardyń arasynda qoǵam qairatkeri Kenjeǵali Saǵadiev, Qazaqstan halqy assambleiasy tóraǵasynyń orynbasary Anatolii Bashmakov jáne aqyn Aqushtap Baqtygereeva bar.
Buǵan deiin Memleket basshysy óziniń kezekten tys sailaýǵa qatysatyny týraly sheshimdi sál keiinirek qabyldaitynyn aitqan edi. Al jýyrda Aqordada Qazaqstan qyz-kelinshekterimenkezdesýi kezinde: "Men Táýelsizdiktiń bastaýynda turdym. Múmkin, teatrda aitatyndai, dekoratsiiany aýystyratyn kez kelgen shyǵar. Singapýrdyń negizin qalaýshy bilikten ketkende, "nege kettińiz?" dep suradym. Ol "men 31 jyl el basqardym, sońǵy kezderi ózimdi teledidardan qaraǵan kezde, ózime-ózim unamai qaldym. Men aittym: "múmkin, teledidar durys kórsetpegen shyǵar?". Mende de sondai jospar boldy. Biraq qazir halyq sondai niet bildirip, qulshynys, aýyzbirshilik tanytyp jatyr. Búginde maǵan ary qarai ne isteýi kerektigi jóninde Sizdermen aqyldasýǵa múmkindigim bar", - dep málimdedi.
Kezekten tys prezident sailaýy 2015 jyldyń 26 sáýiri kúni ótedi. Qazirgi ýaqytta sailaýǵa qatysqandardyń arasynda lingvistika komissiiasy emtihanynan eki adam ǵana ótip tur. Olar - ózin-ózi usynýshy Limana Qoishieva men kandidattyqqa QKHP atynan usynylǵan Turǵyn Syzdyqov.
