Nazarbaev Konstitýtsiianyń 26-babyn ózgerissiz qaldyrýdy usyndy (video)
Bul týraly Aqordanyń baspasóz qyzmeti habarlady. "Jumys tobynyń otyrysynda Nursultan Nazarbaev QR Konstitýtsiiasynyń 26-babyn bastapqy redaktsiiada qaldyrýdy usyndy", - delingen Aqordanyń Twitter jelisindegi paraqshasynda.
https://www.youtube.com/watch?v=RFfIT7yV8NE&feature=youtu.be
Eske salaiyq, QR Konstitýtsiiasynyń 26-babynda "Qazaqstan azamattary" degen sózdiń ornyna "Árbir" degen sózdi qoiý usynylǵan edi. Keiin Senattyń Konstitýtsiialyq zańnama, sot júiesi jáne quqyq qorǵaý organdary komitetiniń tóraǵasy Serik Aqylbai Qazaqstan Respýblikasynyń Konstitýtsiiasynyń 26-babyna túzetýler jobasy boiynsha túsindirme bergen bolatyn.
"Bul jerde "árqaisysy" dep Qazaqstannyń azamattary, sheteldik azamattar jáne azamattyǵy joq adamdar dep túsinýge tiispiz. Nege biz elimizdiń rezidenti emes adamnyń nemese azamattyǵy joq adamnyń múlkiniń saqtalýyn qamtamasyz etpeýimiz kerek? Máselen, onyń kóligi, kiimi, kompiýteri bar. Munyń bári sol adamnyń múlki bolyp sanalady. Odan basqa, sheteldik azamattar munda investitsiia ákeledi, ol da múlik. Kelgen investitsiia qorǵalýy kerek, ony Konstitýtsiiamen saqtandyrylýyn qamtamasyz etilýi kerek", - dep atap ótken edi ol.
Derekkóz: kaz.tengrinews.kz
