Geraldist Aidyn Rysbekuly Ánuran avtorlyǵynan Nazarbaevtyń aty-jónin alyp tastaý kerek degen pikirde, - dep habarlaidy Dalanews.kz.
"Ánuran degenge jeke basym qarsymyn. Ol eluran bolýy kerek. Ánniń urany bolmaidy. Eldiń urany bolady. Eldiń tańbasy bolady degen syqyldy. Ánuran dep júrmiz ǵoi, munyń qalai jazylǵany, qandai maqsatta jazylǵany - onyń barlyǵy qazir aitylyp jatyr. Mýzyka mamandarynyń aitýyna qaraǵanda, bul marsh áýenimen jazylǵan.
Bizde eluran degen adamdy jigerlendiretin, eline degen patriottyq sezimin oiatatyn, ýytty, energetikalyq órisi óte joǵary (bolýy kerek - esk.), adam tyńdaǵanda qanattanyp, kózi shyraǵdandai janyp, ishindegi eline-jerine degen sezim atoilap shyǵýy kerek. Bul ánuran jeńil. Burynǵy ánuran bolsa, onyń áýenin kásibi kompozitor jazǵan, Muqan Tólebaev. Ol ánurannyń mátini óte jaqsy. Biraq ol Ánuran sovettik stilde jazylǵan. Sonyń ideologiiasymen jazylǵan", - dedi Aidyn Rysbekuly "Halyq únine" bergen suhbatynda.
Sonymen qatar, sarapshy Ánuran avtorlarynyń ishinen Nazarbaevtyń atyn alyp tastaý kerek degen pikirde.
"Mindetti túrde alynýy kerek. Ol kisi qosalqy avtor bolyp tirkeldi ǵoi. Onyń negizgi avtorlary o dúnielik bolyp ketken. Qazir kózi joq. Sondyqtan ol kisini mindetti túrde qosalqy avtorlyqtan alý kerek", - deidi sarapshy.
