Ministrdiń qazasyna qaiǵyrǵan 470 adam qusadan óldi
Qaiǵyly oqiǵa týraly "Annadýrai atyndaǵy búkilúndistandyq federatsiiasy" saiasi partiiasy Twitter jelisindegi paraqshasynda jeksenbide, 11 jeltoqsanda habarlady.
"Revoliýtsiia kóshbasshysynyń qazasyna qaiǵyrǵan 470 adam qaitys boldy. Ár otbasyǵa kómek retinde 300 myń rýpi (shamamen 280 myń rýbl -"Lenty.rý") beriledi", - delingen habarlamada.
Sondai-aq, "Dravid ilgerileýiniń jalpyúndistandyq federatsiiasy" partiiasyndaǵylar óz-ózin órtemekshi bolǵan saiasi qyzmetkerge jáne taǵy bir qyzmetkerge kesilgen saýsaǵy úshin 50 myń rýpi tólep beretinderin málimdedi, - dep keltiredi saiasi partiiadaǵylardyń sózin Huffington Post basylymy. Bul jaraqattardyń barlyǵy shtat basshysynyń qaza bolýymen bailanysty eken.
Djaiaram Djaialalita uzaq ýaqyt boiy Tamilnad shtatynyń bas ministri qyzmetin atqarǵan. Sondai-aq, ol joǵary parlament palatasynyń múshesi, saiasi partiialardyń biriniń kóshbasshysy bolǵan.
Óziniń mansap jolyn aktrisa retinde bastap, keiinnen Úndistaǵy belgili saiasatkerlerdiń biri bolǵan. Djaiaram Djaialalita 5 jeltoqsanda Chennai qalasynda ustamaly júrek aýrýynan qaitys bolǵan.
