Bul málimetter KTK telearnasynda kórsetilgen «Zvali ego Mýrka atty» derekti filmde aitylady. Onda qazir aýrýhanada jatqan Toqmadi budan birneshe jyl buryn TuranÁlem bankiniń basqarma tóraǵasy Erjan Tátishevti qalai atyp óltirgenin moiyndaidy. Ol kezde bul qaiǵyly oqiǵaǵa qatysty is ań aýlaý kezinde myltyqtyń baiqamai basylyp ketýi saldarynan bolǵan jaǵdai retinde sipattalǵan bolatyn.
«Ol (Muhtar Ábliazov – red.) máseleni Erjannyń kózin qurtý jolymen sheshýdi usyndy. Onyń aitýynsha, oqiǵa ańshylyq kezinde bolýy jáne abaisyz ólim bolyp kórinýi tiis edi», – deidi Murathan Toqmadi.
Tátishevti óltirý ne úshin qajet boldy desek, TuranÁlem banki Direktorlar keńesiniń burynǵy tóraǵasy Serik Ýáliev másele Muhtar Ábliazov pen Erjan Tátishovtiń arasyndaǵy arazdyqtan shyqqanyn aitady. Onyń sózine qaraǵanda, Erjan Tátishevti jurttyń qarjy isiniń geniii dep ataýy Ábiliazovqa unamaǵan.
«Muhtar ózin Erjan laqtyryp ketti dep bilip, osy sebepti ony jek kórdi. Muny ol ashyq aitatyn», – deidi banktiń Direktorlar keńesiniń burynǵy múshesi Jaqsylyq Járimbetov.
Murathan Toqmadi 2004 jyldyń jeltoqsan aiynda Tátishevke ózi zvandap, birge ań aýlap qaitýǵa shaqyrǵanyn aitady.
– Jolda ol rólge ózi otyrdy da mashinany qatty aidady, qasqyr qýyp bara jatqanbyz. Onyń kúzetshisi qarýdy maǵan bergen sátte men Erjandy atyp óltirdim, – deidi Toqmadi.
Bul is boiynsha sot úsh jyl júrdi. Qandy oqiǵa, myltyq, oqtyń baǵytyna qatysty detaldardyń sot saraptamasyn jasaý kezinde qalai burmalanǵany filmde egjei-tegjei baiandalady. Toqmadi osyndai saraptama jasatý úshin 20 myń dollar tólegen.
«Bári oilaǵandai sheshildi. Abaisyzda adam ólimine ákelgen oqiǵa bolyp shyqty. […] Bári Ábliazovtiń isi ekenin túsindim. Erjannyń ólimi - Ábliazovtiń tapsyrysy», – dedi Toqmadi.
Erjan Tátishev 1997 jyldan 2004 jyly qaza bolǵanǵa deiin Qazaqstandaǵy júiequrýshy bankterdiń biri TuranÁlemniń Basqarma tóraǵasy boldy. Bul bank Muhtar Ábiliazovtiń baqylaýyna ótip, BTA bank bolyp ózgerdi.
Tátishevtiń ólimi buryn nusqada jariialanǵan bolatyn. «Erjan Tátishev «Toiota Land Krýzer» kóligimen dalada ańdy qýyp kele jatqan. Qýyp jetken kezde ol 12-kalibrli myltyqty art jaqtan otyrǵan Murathan Toqmadige bergen. Dál osy sátte djip shuńqyrdy basyp ótip, myltyq ózdiginen atylyp ketken. Oq Erjannyń shúidesiniń oń jaǵyna tiip, sol jaq kózinen shyǵyp ketken».
Oqiǵa 2004 jyly 19 jeltoqsanda Jambyl oblysyndaǵy Otar stantsiiasy mańynda saǵat tańerteńgi 11 shamasynda bolǵan.
Al kásipker Murathan Toqmadi biylǵy 12 qazanda kásipker qoqan-loqqy jasaǵany jáne qarýdy zańsyz saqtaǵany úshin úsh jylǵa sottalǵan bolatyn.
Derekkózi: baq.kz
https://www.youtube.com/watch?time_continue=6&v=TD5XP00_Tyg
