Murat Ábdilda sot zalynan qaita qamaýǵa alyndy, - dep habarlaidy Dalanews.kz.
Túrkistan soty tanymal bloger ári ánshi Murat Ábdildaǵa qatysty jazany qatańdatty. Shartty túrde merziminen buryn bosatýdyń kúshi joiylyp, qalǵan merzimi eki jyl 11 kún naqty bas bostandyǵynan aiyrý jazasyna aýystyryldy.
Túrkistan qalasynyń aýdanaralyq sotynda Qazaqstan Respýblikasynyń Qylmystyq kodeksiniń 174-babynyń 1-bóligimen 2022 jyly sotty bolǵan blogerge qatysty usynym qaraldy.
Usynymda Saýran aýdandyq politsiia bólimi Á.-niń merziminen buryn shartty túrde bosatýdyń kúshin joiyp, jazanyń qalǵan ótelmegen bóligin bas bostandyǵynan aiyrý túrindegi jazaǵa aýystyrýdy suraǵan.
"Sottalǵan Á. 2024 jyly sottyń qaýlysy negizinde merziminen buryn bosatylyp, Túrkistan oblysynyń Politsiia departametiniń Saýran aýdandyq politsiia bólimine profilaktikalyq esepke alynǵan. Profiliaktikalyq esepte turǵanyna qaramastan, Á. 2024 jyly ortaq paidalaný ornyn lastaǵany úshin ÁQBtK 434-2 babynyń 1-bóligimen ákimshilik jaýaptylyqqa tartylyp, oǵan aiyppul salynǵan. Sonymen qatar, 2025 jyldyń aqpan-naýryz ailarynda 5 ret tirkelýge kelmegeni jáne 4 ret túngi ýaqytta turǵylyqty mekenjaiynda bolmaǵany anyqtalǵan", - dep jazylǵan habarlamada.
Túrkistan oblysy Politsiia departamentiniń Saýran aýdandyq politsiia basqarmasynyń usynymy qanaǵattandyrylyp, Murat Ábdildany merziminen buryn shartty túrde bosatýdyń kúshi joiylyp, jazanyń qalǵan ótelmegen bóligi, iaǵni 2 jyl 11 kúni bas bostandyǵynan aiyrý túrindegi jazaǵa aýystyryldy.
Murat Ábdilda sot zalynan qamaýǵa alyndy. Qaýly zańdy kúshine engen joq.
