Al muǵalimderdiń kásibı quzyrettiligin damytatyn mekemeniń biregeıi «Órleý» biliktilikti arttyratyn ortalyǵy.
Joǵaryda aıtylǵan sózdiń dáleli retinde «Órleý-Almaty» qalasy boıynsha Kásibı damý ınstıtýtynyń ár treneri aı saıyn eki kýrs ótkizedi.
Bıyl tamyz aıynan bastap jańa formattaǵy, muǵalimniń pándik quzyrettiligin damytýǵa baǵyttalǵan kýrstar bastaldy.
Instıtýttyń dırektorynyń orynbasary Qaısar Nurlybaev kýrs oqyp júrgen muǵalimdermen kezdesip, jalpy «Órleýde» oryn alyp jatqan jańalyqtarmen tanystyrdy.
Qaısar Kópjasaruly kelesi 2023 jylyna josparlanyp otyrǵan kýrstar men is-sharalar týraly málimet berdi.
Bıylǵy jyly bastaý alǵan «Muǵalimniń pándik quzyrettiligin damytý» kýrstarynyń keler jylyda jalǵasatynyn jáne bul kýrstardyń erekshe daıyndalǵany týraly aıtyp ótti.
Mysaly, «kýrs baǵdarlamalarynyń avtorlary kimder?» degen suraq týyndaıdy. Atalmysh baǵdarlamalar jańa formatta daıyndalyp, olardyń mazmunyn muǵalimderden turatyn «Fokýs toptar» anyqtaǵan.
Sol anyqtalǵan mazmunyna baılanysty elimizdiń barlyq aýmaǵynan shyqqan tájrıbeli, bilikti pedagogtar baǵdarlamalar daıyndady
Sonymen qatar, Qaısar Nurlybaev muǵalimdermen oqý baǵdarlamasynyń erekshelikterin jan-jaqty talqylady jáne kýrs ustazdardyń bilim qorjynyn oqytýdyń jańa ádisteri men tásilderine tolyqtyrýǵa kómektesetinine senim bildirdi.
Oqýshylardyń aqyl-oı daǵdylaryn damytý úshin oqytýda saralaý ádisterine erekshe nazar aýdarylatyn da tilge tıek ete kelip, basqa da jańa kýrstar daıyndalyp jatqany týraly aıtty.
Biliktilikti arttyrý kýrstaryn ótken muǵalimderge kez kelgen ýaqytta trenermen baılanysqa shyǵyp, kýrstan keıingi qoldaý aıasynda kómek ala alatynyn eskertti.
Muǵalimderdiń oqyp jatqan kýrs týraly pikilerin, usynys-talaptaryn tyńdady.
Nurzat RAIMQULOVA, «Órleý» ınstıtýttyń PR, SMM mamany
