Soltústik Qazaqstan oblysynda memleketke quny 26,7 milliard teńge turatyn biregei Teke kóli qaitaryldy, dep habarlaidy Dalanews.kz.
2020 jyly as tuzyn óndeýge arnalǵan kelisimshart sheńberinde jergilikti atqarýshy organdar jer qoinaýyn paidalanýshyǵa jalpy aýdany 21,5 myń gektar Teke kólin bergen.
Degenmen 2022 jyly jer qoinaýyn paidalanýǵa arnalǵan kelisimshart toqtaǵanyna qaramastan ýákiletti organ eki jyldan asa ýaqyt boiy sotaldy tártippen shartty birjaqty buzý jóninde sharalar qabyldamaǵan. Al bul sý qorynyń jerin maqsatsyz paidalanýǵa ákep soqqan.
"Jer qoinaýy jáne jer qoinaýyn paidalaný týraly kodekstiń talaptaryna qaramastan, sharýashylyq júrgizýshi quzyretti organnyń resmi saitynda jer qoinaýyn paidalanýshylar tiziminen alynbaǵan", - dep jazylǵan habarlamada.
Mamandandyrylǵan tabiǵat qorǵaý prokýrory qabyldaǵan sharalar arqyly jer ýchaskesin jaldaý sharty sotaldy tártippen birjaqty buzyldy.
"Kadastrlyq quny 26,7 mlrd teńge turatyn, jalpy aýdany 21,5 myń gektar ashy-tuzdy Teke kóli memlekettik menshikke qaitaryldy", - dep jazylǵan habarlamada.
Kináli laýazymdy tulǵalar tártiptik jaýapkershilikke tartyldy.
