Marat Áitenov eks-áielin sotqa berip, jeńip shyqty, - dep habarlaidy Dalanews.kz.
Sot Marat Áitenovtiń burynǵy áieli Dana Áteshovaǵa densaýlyqqa qasaqana jeńil ziian keltirgeni úshin aiyppul túrindegi jaza taǵaiyndady.
23 tamyzda Astana qalasynyń qylmystyq ister jónindegi aýdanaralyq soty densaýlyqqa qasaqana jeńil ziian keltirgeni úshin Dana Áteshovaǵa qatysty úkim shyǵardy (QK 108-1-babynyń 1-bóligi).
Aiyptaýdyń máni
Áteshova ony májbúrlep shyǵarý protsesi barysynda úi iesine qarsylyq kórsetip, Áitenovti úige kirgizbei, jábirlenýshini qasaqana uialy telefonymen soǵyp, ony tistep alǵan.
Nátijesinde Marat Áitenovke dene jaraqaty keltirilgen kórinedi. Áteshovanyń kinási jábirlenýshiniń, kýágerlerdiń aiǵaqtarymen, sot-meditsinalyq saraptama qorytyndysymen jáne is materialdarymen dáleldengen.
Taraptardyń ustanymy
Prokýror 30 AEK mólsherinde aiyppul túrinde jaza taǵaiyndaýdy surady.
Qorǵaýshy tarap oqiǵa men qylmystyq quqyq buzýshylyq quramynyń bolmaýyna bailanysty is boiynsha is júrgizýdi toqtatýdy surady.
Qandai jaza taǵaiyndaldy?
QK-niń 108-1-baby 1-bóliginiń sanktsiiasy 200 AEK-ke deiingi mólsherde aiyppul salý ne sol mólsherde túzeý jumystary, ne 200 saǵatqa deiingi merzimge qoǵamdyq jumystarǵa tartý, ne 50 táýlikke deiingi merzimge qamaqqa alý túrindegi jazany kózdeidi.
Sot qylmystyq jaýaptylyq pen jazany jeńildetetin mán-jailar retinde jas balalardyń bolýyn jáne sottylyǵynyń bolmaýyn tanydy. Aýyrlatatyn mán-jailar anyqtalǵan joq.
Jasalǵan teris qylyqtyń mán-jailaryn jáne onyń aýyrlyǵyn eskere otyryp, sondai-aq sottalýshynyń jeke kásipker bolyp tabylatynyn, onyń asyraýynda 3 jas balasynyń bar ekenin jáne jazanyń ózge túrin taǵaiyndaý onyń balalarynyń ómiri men tárbiesi jaǵdailaryna áser etýi múmkin ekenin eskere otyryp, sot sottalýshy Áteshovaǵa 20 AEK mólsherinde aiyppul túrindegi jaza taǵaiyndady.
Úkim zańdy kúshine engen joq.
