Astana politsiiasy Shymkent qalasynyń burynǵy ákimi Murat Áitenovtiń aǵasy, "Samuryq Qazynanyń" eks-drektory Marat Áitenovtiń burynǵy jubaiyna qarsy qylmystyq is qozǵalǵanyn málimdedi, dep habarlaidy Dalanews.kz.
"Astana PD-ǵa azamat Á. atynan aryz tústi. Ol eks-áieliniń tarapynan dene jaraqattaryn alǵanyna shaǵymdandy. Atalǵan faktilerdi tekserý úshin qylmystyq is qozǵaldy, zaqymdanýdyń bar-joǵyn jáne dárejesin anyqtaý úshin qajetti saraptama taǵaiyndaldy, sondai-aq barlyq mán-jaidy anyqtaý úshin tergeý áreketteri júrgiziledi", - dep habarlady Astana politsiia departamenti.
Eske salaiyq, Marat Áitenovke qatysty qylmystyq is qozǵaldy. Ol 5 táýlikke qamaýǵa alyndy.
"Sot otyrysy barysynda quqyq buzýshy óz kinásin moiyndaǵan joq. Ol burynǵy jubaiy onyń ótinishi boiynsha balalaryn berýden bas tartyp, olardyń qoldarynan ustap jibermegenin túsindirdi. Ol balalardy áketý úshin edende otyrǵan áieldiń aiaqtarynan tartqan. Ol ádepsiz sóz aitpaǵanyn, ony urmaǵanyn atap ótti", - dedi sotta.
Sottyń málimetinshe, jábirlenýshi burynǵy kúieýi ony kóshirý kezinde zańsyz júrip, oǵan shabýyl jasap, denesine zaqym keltirgenine shaǵymdanǵan. Jasalǵan quqyq buzýshylyqtyń mán-jailary ákimshilik quqyq buzýshylyq týraly hattamamen, beinejazbamen, jábirlenýshiniń túsindirmelerimen rastalady.
"ÁQBtK-niń 73 - babynyń 1-bóliginiń sanktsiiasy eskertýdi nemese 5 táýlikke ákimshilik qamaqqa alýdy kózdeidi. Joǵaryda keltirilgen mán-jailardy, sondai-aq jurtshylyqqa teris áser etetin jáne jeke adamnyń quqyqtaryna qol suǵatyn jasalǵan is-árekettiń dárejesi men sipatyn eskere otyryp, quqyq buzýshy ÁQBtK-niń 73-babynyń 1-bóligi boiynsha kináli dep tanyldy. Oǵan jaza taǵaiyndalyp, 5 táýlikke qamaýǵa alyndy. Qaýly zańdy kúshine engen joq", - delingen aqparatta.
