Biyl Maqtaraldyń qyryqqabaty Reseige jóneltilgen. Maqtaraldyq sharýa qojalyǵy kelisim negizinde kókónisti elimizdiń soltústik óńirelirnen bólek Kazan, Perm, Nijnii Novgorod qalalaryna jiberýge mindet alǵan. Bul meje tolyq oryndalypty.
Marat Myrzahmetov, kásipker: «500 myń tonna qyryqabattyń basym bóligin satyp qoidyq. Túsken qarjyǵa tyńaitqysh, arnaiy tehnika satyp alamyz.Ózimizdiń 7 fýramyz jáne de qajetti sonsha tehnikamyz bar. Jer aýdarýǵa jáne de ózge de jumystarǵa ózimizdiń tehnikany paidalandyq.
Myrzahmetovter otbasy kásibin 18 jyl buryn bastaǵan. Alǵashqyda 50 gektar jerge qaýyn ekken. 18 jylda sharýa jylyjaidyń, egistiktiń kólemin ulǵaityp qyzanaq pen asqabaq, qaýyn qarbyz egip, jyldan jylǵa jaqsy ónim jinaýda. Keleshekte sharýa qyzyl shie otyrǵyzýdy kózdeýde. Eńbekqor maqtaraldyqqtar úkimet tarapynan kórsetilgen qoldaýdyń arqasynda kásipkerlikpen ainalysyp ólkeniń órkendeýine úlesin qosýda.
Asan Mahambetov , Maqtaral aýdany ákiminiń aýyl shraýashylyǵy salasy boiynsha
orynbasary:
– Sharýalarǵa myna daqyldy otyrǵyz, myna daqyldy otyrǵyzba dep biz talap ete almaimyz. Tek usynys jasaimyz. Biyl 138 myńnan astam gektar jerdiń 80 myńnan astam jer alqabynda maqta egilgen. Baqsha ónimderi, kókónis te jospardan tys egildi. Aita ketetin jáit, bizdiń ólkemizdegi kúrishtiń sapasy óte joǵary. Bul daqyldy egýge aǵyn sý jetkilikti.
Qyryqqabat egý boiynsha aýdanda kósh bastaityn Atameken aýyldyq okrýginiń diqandary alǵash ónim bergen daqyldyń 20 tonnasyn Atyraý qalasyna jóneltipti. Biyl qyryqqabat daqyly 892,5 gektar jerge egilgen jáne ol byltyrǵy jylmen salystyrǵanda 112,8 gektarǵa artyq.
Jalpy, qyryqqabat daqyly erte pisetindikten, maqtaraldyq diqandar onyń artynan qaýyn-qarbyz egýge kirisedi. Osylaisha jer emgen sharýalar 1 jylda eki ret ónim alady.
