Statısıka komıtetiniń málimetinshe 2019 jyly Qazaqstan shetelge 22,6 myń tonna túrli et ónimderin tasymaldaǵan.
Alaıda dál osy aralyqta 203 myń tonna etti syrttan satyp alyppyz.
Sıyr etiniń eksporty nebári 5 myń 571 tonnany (onyń ishinje 1608,6 tonna balǵyn jáne salqyndatylǵan et, 3962,4 muzdatylǵan et) quraǵan.
Sıyr etiniń ımporty she, onyń kólemi qandaı?
Byltyr bizdiń el 25 myń 823 tonna sıyr etin (onyń ishinde 9900,6 tonna balǵyn jáne salqyndatylǵan et, 15922,4 tonna muzdatylǵan et) ımporttaǵan.
İlgeride aıttyq sıyr etiniń ımporty eksporttan 5 ese asyp túsken
Aıtqandaı buǵan deıin eks-Aýyl sharýashylyǵy mınıstri, ázir elimizdiń Et odaǵyn basqaryp otyrǵan Asyljan Mamytbekov ótken aıda ǵana et eksportyn asyra oryndadyq degen.
"Iá, qazaqstandyq et eksportynyń kólemin arttyrýǵa qatysty mindetti asyra oryndadyq. 2019 jyldyń qorytyndysy boıynsha et eksporty 63 myńnan tonnadan asyp jyǵyldy", – degen edi Et odaǵynyń tóraǵasy.
Mamytbekov bul málimetti qaıdan aldy eken, sol qyzyq?..
Aıtpaqshy Aýyl sharýashylyǵy mınıstriligin basqarǵan tusta "Qazaqstanda ımporttalǵan et joq" dep málimdegen de osy kisi.
"Bizdiń ishki naryq tolyq. Bireýler nege ana-myna jaqtan ımporttalady deıdi... Sórelerde ımporttalǵan et joq - osyny túsiný kerek. Eger ımporttalsa, ol tehnologıalyq maqsatta ǵana: konservilerge, sosıskalarǵa, shujyqtarǵa jáne taǵysyn taǵy", - degen edi Mamytbekov myrza.
Al óz naryǵymyzdaǵy etti "elge emin-erkin jetedi, tipti tym artyq" dep túsindirip, osy sebepti de eksportqa shyǵarǵanyn aıtqan.
Sodan da bolar elimizde et baǵasy sharyqtap barady. Qańtar aıynyń ózinde sıyr jáne qoı etiniń kelisi 16-17 paıyzǵa qymbattaǵan. Jylqy jáne taýyq etiniń baǵasy 14,5 paıyzǵa ósken.
Agroóndiris kesheni elimizdegi Úkimet basym kóńil bóletin salanyń biri. Osy maqsatta 2017-2021 jyldarǵa arnalǵan mem.baǵdarlama qabyldanǵan.
Agroóndiris keshenin damytýǵa jyl saıyn shamamen 116 mlrd teńge bólinedi, onyń ishinde 60 mlrd teńge asyl tuqymdy mal sharýashylyǵyna, 56 mlrd teńge mal sharýashylyǵy ónimderin óndirýge baǵyttalady.
Ázirlegen Dýman BYQAI
T
[caption id="" align="aligncenter" width="651"]
Derekkóz: EnergyProm[/caption]
