Saiasattanýshy Edýard Poletaevtyń aitýygsha qazirgi kúni Resei jerinde 13 mln-nan asa eńbek migranttary jumys isteýde. Bul jalpy eńbekke jaramdy Resei halqynyń 13 paiyzy eken. «Men bilsem Qazaqstan jáne Reseidiń eńbek ministrleri eńbek naryǵyndaǵy áriptestik týraly memorandýmǵa qol qoidy. Bul óz kezeginde ortaq kásibi standarttar qurýǵa, ortaq eńbek naryǵyn jasaýǵa jol ashady» dedi Poletaev.
Al ǵalym Irina Chernyh óz kezeginde: «Qazaqstanda kóshi-qon máselesimen áli kúnge deiin kúshtik qurylymdar ainalysyp keledi. Negizinde bul máselege kúshtik qurylymdardan tys áleýmettik sala qurylymdaryn, onyń ishinde psihologtardy, zańgerlerdi, áleýmettik qyzmetkerlerdi jáne taǵy da basqa mamandyq ielerin kóptep tartý qajet. Osynyń arqasynda kóship qonýshylar jańa jerge tez beiimdelip, tez sińisetin bolady» dedi.
Saiasattanýshy Andrei Chebotarev kúni keshe ǵana elimizde kóshi-qon saiasatynyń 2017-2021 jyldarǵa arnalǵan tujyrymdamasy qabyldanǵanyn aitty.
«Qazaqstan aýqymdy jumys kúshin qabyldaýǵa qanshalyqty ázir? Erteńgi kúni qazaqstandyq jáne sheteldik jumysshynyń arasynda kikiljiń týsa Úkimet bul máseleni qalai sheshpek? Mundai kikiljińderdiń oryn alǵany da jasyryn emes qoi? Al mundai kezderi tártip pen júieni qalai jáne qandai jolmen qamtamasyz ete alamyz? Osy jaiynda oilandyq pa?», – dedi saiasattanýshy.
Jiyndy túiindegen saiasattanýshy Rustam Burnashev bul rette: «Kóshi-qon máselesine kelgende Qazaqstannyń da, Reseidiń de naqty ustanymy joq. Al osy týraly másele kóterilgende eki jaqtyń ustanymdary kóbine kóp qaishy kelip jatady. Sonyń biri zeinetaqy tóleý máselesi. Áleýmettik qamsyzdandyrý joldary jáne syrttan kelýshilerdiń diplomyn qabyldaý máselesi» dedi ol.
