Nazarbaevtyń tóraǵalyǵymen ótpek bolǵan Nur Otan partıasy saıası keńesiniń keńeıtilgen otyrysy keıinge qaldy dep habarlaıdy Dalanews.kz. 

Bul týraly partıa tóraǵasynyń birinshi orynbasary Baýyrjan Baıbek aıtty.

"Koronavırýs ınfeksıasynyń taralýy qaýpine baılanysty engizilgen shekteýlerdi eskerip 2020 jyldyń 18 naýryzyna josparlanǵan Nur Otan partıasy saıası keńesiniń keńeıtilgen otyrysy ótpeıdi" – dep jazdy ol Tvıtterinde.

Osy jıynda Nur Otan partıasynan Májilistiń jáne barlyq deńgeıdegi máslıhattardyń saılaýaldy partıalyq tizimderine kandıdattar anyqtalady dep josparlanǵan.

Budan buryn Nur Otan koronavırýsqa baılanysty qoǵamdyq qabyldaýdy ýaqytsha toqtatqanyn málimdegen.

Dalanews.kz sonyń aldynda Nur Otan-nyń otyrysy ótpeýi múmkin degen boljam jasaǵan.

Saıası búronyń quramyna myna azamattar kiredi:

Qasym-Jomart Toqaev, Prezıdent;

Darıǵa Nazarbaeva, Senat tóraǵasy;

Nurlan Nyǵmatýlın, Májilis tóraǵasy;

Asqar Mamın, Úkimet basshysy;

Baýyrjan Baıbek, Nur Otan partıasy tóraǵasynyń birinshi orynbasary;

Áset Isekeshev, prezıdent ýáziri – Qaýipsizdik keńesiniń hatshysy;

Marat Tájın, Qazaqstannyń Chehıadaǵy elshisi;

Natalá Godýnova, Esep komıtetiniń tóraǵasy;

Darhan Qydyráli, “Egemen Qazaqstan” gazeti basqarma tóraǵasy;

Aleksandr Pavlov “Qazaqstan Ulttyq bank” dırektorlar keńesiniń tóraǵasy;

Dáýlet Káribek, Nur-Sultan qalasy Jastar saıasaty jónindegi basqarma basshysy.