Dalanews.kz tilshisi muny saiasattanýshy Dos Kóshimnen surap bildi.
-Q.Toqaevtyń bul jolǵy Máskeýge jasaǵan saparynyń saiasi salmaǵy qandai bolmaq?
Dos Kóshim: Óte kúrdeli de asa aýyr sapar bolǵaly tur. Reseidiń áskeri odaqtastary Ýkrainadaǵy soǵys máselesinde orystarǵa qarsy kózqaras bildirmegenmen, qasynan tabylǵan joq. (Belorýstardan basqalary). Endi ashyq áńgime bolatyn siiaqty.
Toqaev buǵan daiyn ba? Onyń álemdik deńgeide qoldaý alyp otyrǵan Ýkrainany qaralýǵa, nemese Reseidiń saiasatyn qoldaýǵa batyly bara ma? Álde taǵy da eki qaiyqtyń quiryǵyn ustaý saiasatyn jalǵastyrady ma?
Moiyndaýymyz kerek, bizdiń bilik úshin "beitarap qalamyz" degen ustanymnan basqa jol joq. Biraq oǵan Pýtin kónedi me eken... Óz basym, Pýtin ODKB áskerlerin ózderiniń agressiiasyna qatysýǵa shaqyrmaidy dep oilaimyn. Biraq saiasi qoldaýdyń basqa túrlerin talap etýi ǵajap emes.
-Buǵan deiin Kremldiń Ýkrain máselesinde ODKB áskerin paidalanýy múmkin degen sybys shyqqan edi. Máskeý biraýyzdy bolýǵa májbúrleitin tetikterdi paidalanýy múmkin be?
Dos Kóshim: Menińshe, Reseidiń ODKB áskerlerin "kómekke" shaqyrýy - ózderine de tiimsiz.
Birinshiden, bul - Reseidiń álsizdigin kórsetedi, ekinshiden, mundai jaǵdaida batys elderi de qarap jatpaidy dep oilaimyn.
Bul agressiiaǵa basqa elderdiń qosylýy, aralasýy - úshinshi dúniejúzilik soǵysqa alyp kelýi múmkin. Buǵan Resei daiyn emes.
-Sońǵy ýaqytta bizge baǵyttalǵan aqparattyq shabýyl údep ketti. Bul neniń belgisi?
Dos Kóshim: Qasqyrdyń ulyǵany - jeimin degeni... Bul - agressiianyń aldyndaǵy aqparattyq soǵys, daiyndyq. Eger bul máselege der kezinde tosqaýyl qoimasa, birinshiden, memleket óziniń álsizdigin kórsetedi, ekinshiden, basynan sóz asyrǵan halyq basylyp ta qalady. Árine, "it úredi, kerýen kóshedi" dep qoia salýǵa bolady, biraq itterdiń artynda qojaiyndary bar ǵoi.
Áńgimelesken, Jaras Kemeljan
