Bul jóninde 1 qarashada Tájikstanda saparmen júrgen Reseidiń Liberaldy-demokratiialyq partiiasynyń (LDPR) lideri Vladimir Jirinovskii málimdedi. Onymen birge memlekettik dýmanyń 20 depýtaty barǵan.
Vladimir Jirinovskii taiaý ýaqytta LDPR dýmaǵa "Resei aýmaǵynda Tájikstan azamattarynyń erekshe mártebesi jónindegi" zań jobasyn usynatynyn málimdedi. Onyń sózinshe, Tájikstanda jumys kúshi kóp, al Reseide aqsha kóp, eki el osy múmkindikterdi tiimdi paidalaný kerek.
"Biz Dýshanbede bolashaq eńbek migranttaryna arnalǵan arnaiy mektep salýdy sheshtik. Bul mektepte tájik jastary orys tilin jáne arnaiy mamandyqty oqityn bolady. Keiin kez kelgen jumysqa ornalasa alady", - dedi Jirinovskii.
Resei saiasatkeri áli de Reseidiń Ortaaziialyq federaldy okrýgy qurylý kerek dep esepteidi. Onyń astanasy - Almaty bolý kerek deidi. Oǵan Ortalyq Aziia elderi erikti túrde qosylý kerek dep esepteidi.
«Qytaimen, Eýropalyq odaqpen, Reseimen básekeles bolý úshin, mundai qurylym qurý mańyzdy», — deidi saiasatker.
Sondai-aq Vladimir Jirinovskii Máskeýge oralǵan soń, Federaldy qaýipsizdik qyzmetine Tájikstannyń Aýǵanstamen shekaralas aimaǵyna 2-3 kilometr «óli zona» salýǵa ótinish jasaimyn deidi.
"Osydan keiin birde-bir terrorist, kontrabandist shekarany buza almaidy",- degen senimde saiasatker.
