Almatyda jantúrshigerlik jol apaty bolyp, eki adam qaza tapty, – dep habarlaidy Dalanews.kz.
9 sáýirge qaraǵan túni bolǵan qaiǵyly oqiǵa saldarynan eki jol jumysshysy kóz jumdy.
Qalalyq Politsiia departamentiniń málimetinshe, jol apaty Alataý aýdanynda túngi saǵat 01:30-da bolǵan. Áleýmettik jelilerde oqiǵa ornynan kadrlar tarap ketti.
"Mototsikl júrgizýshisi Rysqulov dańǵylymen batys baǵytta kele jatyp, jol boiynda kele jatqan Mercedes kóligimen soqtyǵysty. Qozǵalysyn jalǵastyrǵan mototsikl júrgizýshisi úsh jol jumysshysyn, iaǵni jol boiynda júrgen eki er adam men áieldi qaǵyp ketti", - dedi politsiia.
Alǵan jaraqattarynan eki er adam oqiǵa ornynda qaitys boldy, ártúrli jaraqattary bar áiel aýrýhanaǵa jatqyzyldy.
Eki adamnyń ólimine ákep soqqan jol apaty boiynsha qylmystyq is qozǵaldy.
