Sáýirde Jambyl oblysyndaǵy janarmai beketinde mototsikl júrgizýshisi pyshaq jaraqatyn aldy. Sot kúdiktige úkim shyǵardy, dep habarlaidy Dalanews.kz.
Jambyl oblysynyń qylmystyq ister jónindegi mamandandyrylǵan aýdanaralyq sotynda sýyq qarýdy zańsyz alyp júrgeni jáne buzaqylyq nietpen adam óltirýge oqtalǵany úshin Á.-ge qatysty qylmystyq is qaraldy.
2025 jyly sáýirde sottalýshy Merki aýdanyndaǵy janarmai quiý beketinen shyǵyp kele jatqanda jábirlenýshi Ia.-men soqtyǵysyp qalǵan. Sottalýshy Á. bolmashy syltaýdy paidalanyp, buzaqylyq piǵylmen pyshaqty alyp, jábirlenýshi Ia.-nyń arqa tusynan kelip, eki ret pyshaq soqqysyn jasaǵan. Saldarynan jábirlenýshiniń arqasyna jáne oń jaq keýde tusyna jaraqattar salǵan.
Sot úkimimen Á. QK 287-babynyń 1-bóligi, 24-babynyń 3-bóligi - 99-baby 2-bóliginiń 9) tarmaǵy boiynsha kináli dep tanylyp, oǵan túpkilikti 11 jyl 3 ai merzimge bas bostandyǵynan aiyrý jazasy taǵaiyndaldy.
Sot Á.-den 500 myń teńge moraldyq ziian jáne 1,3 mln teńgeden asa zalal somasyn óndirdi. Úkim zańdy kúshine engen joq.
