Ile Alataýy ulttyq parkiniń bir bóligi 49 jylǵa jeke kompaniianyń uzaq merzimdi paidalanýyna berildi, dep habarlaidy Dalanews.kz.
QR IDM "Ile-Alataý memlekettik ulttyq tabiǵi parki" RMM 2020 jyly 13 naýryzda №1 lot boiynsha týristik jáne rekreatsiialyq is-sharalarǵa arnalǵan ekologiialyq týrizmdi damytý úshin ulttyq parktiń bir bóligi uzaq merzimdi paidalanýǵa berý maqsatynda tender ótkizdi. "Egemen Qazaqstan" gazetinde 2020 jylǵy 12 aqpandaǵy № 29 (29758) jariialanǵan. Tender komissiiasynyń sheshimimen №1 lot boiynsha tenderdiń jeńimpazy - jalǵyz qatysýshysy "KULTAU & K" JShS dep jariialandy, delingen ulttyq parktiń saitynda.
Atap aitsaq, Úlken Almaty kóli, Alma-Arasan (Aiýsai), Asy ústirtteri, Esik jáne Soldat shatqaldary, Býtakovka jáne basqalary jeke basqarýǵa ótti.
Belgili bolǵandai, tender Qazaqstan Respýblikasynyń týristik indýstriiasyn damytýdyń 2019–2025 jyldarǵa arnalǵan memlekettik baǵdarlamasy aiasynda ótkizildi.
Qujatta kórsetilgendei, Ulttyq parktiń kóz tartarlyq jerlerinde týristik keshender, baqylaý alańdary, lagerler, kópirler salý jáne turaq oryndary bar lagerlerdi jabdyqtaý josparlanǵan.
Memlekettik-jekemenshik seriktestik negizinde aýmaqtardy damytý qarastyrylǵan: memleket - infraqurylymdy tartýǵa, investor - týristik obektilerdi salýǵa jaýap beredi.
