Grýziia 2026 jyldyń shilde aiynda Qazaqstannan alǵash ret munai importtady. Jetkizilgen munai kólemi 5,5 myń tonna bolyp, onyń jalpy quny 3,2 million dollar bolǵan. Osylaisha qazaqstandyq munaidyń bir tonnasynyń ortasha baǵasy shamamen 582 dollardy qurady, dep habarlaidy dalanews.kz.
Salystyrý úshin aitsaq, sol aida Grýziia Reseiden 87,4 myń tonna munai satyp alǵan. Reseilik munai importynyń jalpy quny 36,4 million dollar bolyp, bir tonnasynyń ortasha baǵasy 416 dollardy quraǵan. Bul qazaqstandyq munaidan shamamen 166 dollarǵa arzan.
Sarapshylardyń pikirinshe, Qazaqstan munaiy aldaǵy ýaqytta Reseiden keletin jetkizilimderdi almastyratyn balamalardyń biri bolýy múmkin. Óitkeni 2027 jyldyń 25 qańtarynan bastap Grýziiadaǵy Kýlevi munai óńdeý zaýyty Eýroodaqtyń 21-sanktsiialar paketiniń talaptaryna sáikes reseilik munaidy óńdeýden bas tartýy tiis.
Sonymen qatar zaýyt shikizat jetkizýdiń ózge baǵyttaryn da qarastyryp jatyr. Tamyz aiynda Liviiadan munai importtaý josparlanǵan. Buǵan deiin kásiporynnyń Qazaqstan men Túrikmenstannan munai jetkizýge qyzyǵýshylyq tanytyp otyrǵany habarlanǵan.
